ପୃଷ୍ଠା:Pratham Purush.pdf/୧୮

ଉଇକିପାଠାଗାର‌ରୁ
ଏହି ପୃଷ୍ଠାଟି ବୈଧ ହୋଇସାରିଛି

ପ୍ରଥମ ପ୍ରେମ

ଅନେକ ପୁରୁଣା ମୁହଁ
ବିସ୍ମୃତିର କୁହୁଡ଼ିରେ ପହଁରି ପହଁରି
ମୋ ପାଖେ ଏକାଠି ହେଲେ
ପୁଣି କେଉଁ ଯାଦୁକର କ୍ରୂର ଇଙ୍ଗିତରେ
ସେମାନେ ସମସ୍ତେ ଗଲେ ପଥର ପାଲଟି
ମତେ ଆସି ବନ୍ଦୀ କଲେ ବାହୁର ଘେରାରେ

ମୁଁ ଭାବୁଛି ସରିଗଲା
କିପରି ମୋ ପ୍ରଥମ ଯୌବନ
କିଞ୍ଚିତ ସମୟ ଗଲା
ଅସଂଲଗ୍ନ କଥା କହିବାରେ
ଖାପଛଡ଼ା କଥା ବୁଝିବାରେ
ମାନ ଭାଙ୍ଗିବାରେ
ହାତ ଧରି ସ୍ୱପ୍ନ ଦେଖିବାରେ
କିଛି ହସ କିଛି କାନ୍ଦ
କେତୋଟି ମୁହୂର୍ତ୍ତ ପୁଣି ଚୁପଚାପ
ଭୁଲ ବୁଝା: ମତେ କର ଆଦର ନଚେତ
କେତେ ଚୋରା ଚାହାଣୀର ଆମନ୍ତ୍ରଣ
କିଛି ପୁଣି ହାତରେ ନିଷେଧ
କିଞ୍ଚିତ ସମୟ ଗଲା
ଯୌବନକୁ ବୁଝିବାର ନିଷ୍ଫଳ ଚେଷ୍ଟାରେ

୧୮ । ପ୍ରଥମ ପୁରୁଷ