ପୃଷ୍ଠା:Chata Ichhabati.pdf/୫୨

ଉଇକିପାଠାଗାର‌ରୁ
ଏହି ପୃଷ୍ଠାଟି ବୈଧ ହୋଇସାରିଛି

ପଞ୍ଚମ ଛାନ୍ଦ
ରାଗ ମଙ୍ଗଳ ଗୁଜ୍ଜରୀ

ଶୁଣ ସାବଧ୍ୟାନେଣ ପଣ୍ଡିତ ଭାଗ୍ୟବନ୍ତ ।
ଚାଟ ଇଚ୍ଛାବତୀ ବିଭାବିଧି ଯେ ସମସ୍ତ ହେ ।୧।
ଭୋଜ ନୃପ ଆଂଗ୍ୟା ଦେଲେ ଶୁଣ ମନ୍ତ୍ରୀବର
ଅନେକ ସମ୍ଭବେଂ ଚାଟ ଇଚ୍ଛା ବିଭା କର ହେ ।।୨।।
କୁଳୀନ ପଣ୍ଡିତ ସେ ମହତ ରାଜା ସୁତ ।
ଇଚ୍ଛାବତୀ କୁମାରୀ କି ଅଟଇ ବିହିତ ହେ ।।୩।।
ମଦନ ବ୍ରହ୍ମ ବୋଲିଣ ସେହୁ ସେ ରାଜନ ।
ଚାରୁ ବ୍ରହ୍ମ ବୋଲି କରି ତାହାର ନନ୍ଦନ ହେ ।।୪।।
ନୋହିଲେ ଦଇଦ ଭେଟାଇଛି ଆଣି ।
ପୂର୍ବର ଭିଆଣ ଯାହା ବିଧାତା ନିର୍ବାଣି ହେ ।।୫।।
ଇଚ୍ଛାବତୀ ମନ ୟେହାଠାରେ ବନ୍ଦି ହେଲା ।
ଦୁହେଂ ଦୁହିଂକ ସମାନ ନୃପତି ବୋଇଲା ହେ ।।୬।।
ପ୍ରସନ କରିଣ ରତ୍ନ ବେଦୀ ନିବାଡ଼ିବ
ସଂପୂର୍ଣ୍ଣ କରିଣ ଦଶ ପାବଚ୍ଛ କରିବ ହେ ।।୭।।
ବିଚିତ୍ର ଚାନ୍ଦୁଆ ଦିବ୍ୟ ଚନ୍ଦନ ପଟର ।
ପାଟ ନେତ ମଣ୍ଡଣି ମଣ୍ଡିବ ସବୁଠାର ହେ ।।୮।।


୧। ସାବଧ୍ୟାନେଣ (ପୋଥିପାଠ)।
୨। ଶୁଣନ୍ରି ବର (ପୋଥିପାଠ)।
୩। କୁଳୀଣ (ପୋଥିପାଠ)।
୪। ନିର୍ବାଣି- ନିର୍ମାଣ ଅର୍ଥରେ।।
୫। ନିବାଡ଼ିବ- ନିର୍ମାଣ କରିବ।