ଏହି ପୃଷ୍ଠାଟି ବୈଧ ହୋଇସାରିଛି
ଦ୍ୱିତୀୟ ଛାନ୍ଦ
ରାଗ-ବରାଡ଼ି
ବନ୍ଦଇଂ ଯେ ଗଣପତି ଗଉରୀର ବାଳ
ଶୀଖଣ୍ଡି ଚନ୍ଦନ ତୋର ଶୋହଇ କପୋଳ ।
ଦକ୍ଷିଣ ଦ୍ୱାର ମଣ୍ଡନ ସଦାଶିବ ସୁତ ।
ମୋତେ ତୁ ପ୍ରସନ ହୁଅ ଦେବ ଗଣନାଥ । ୨ ।
ଅନୁଗ୍ରହ୧ କର ମୋତେ ପାର୍ବତୀ ତନୟେ ।
ଚାଟଇଚ୍ଛାବତୀ କଥା କରିବି ଉପାୟେ । ୩ ।
ୟେମନ୍ତେଣ ବେନିଜଣ ପଢ଼ୁଥାନ୍ତି ନିତି ।
ପଢ଼ନ୍ତି ସକଳ ବିଦ୍ୟା ଗୁରୁଙ୍କ ସଗଂତି । ୪ ।
ୟେକଦିନେ ଇଚ୍ଛାବତୀ ପଢ଼ିବାର ବେଳେ ।
ହସ୍ତରୁ ଖସିଲା ଝଡ଼ି ଗଡ଼ିଗଲା ତଳେ । ୫ ।
ବୋଲଇ କୁମାରୀ ତୁମ୍ଭେ ଶୁଣସି ହେ। ଚାଟ ।
ଖଡ଼ି ଗୋଟି ପଡ଼ିଗଲା ଦିଅ ମୋର ହସ୍ତ । ୬ ।
ଇଚ୍ଛାର ବଚନେ ଚାଟ ବୋଲଇ ଉତ୍ତର ୨ |
ଖଡ଼ି ଯେବେ ତୋଳି ଦେବି ସତ୍ୟ ମୋରେ କର ।୭।
ଚାଟର ବଚନେ ବାଳୀ କଲା ସନମତ ।
ଖଡ଼ି ଗୋଟି ତୋଳିଦିଅ ହେଲା ମୋର ସତ୍ୟ । ୮ ।
ୟେମନ୍ତ ବୋଲିଣ ଚାଟ ଓହ୍ଲାଇଣ ୩ ଗଲା ।
ଖଡ଼ିଗୋଟି ତୋଳି ଇଚ୍ଛାବତୀ କରେ ଦେଲା । ୯ ।
୧। ଅନଗୃହ (ପୋଥିପାଠ) । ୨। ଉତର (ପୋଥିପାଠ) ।
୩। ଉଲ୍ୟାଈଣ (ପୋଥିପାଠ) ।
