ପୃଷ୍ଠା:Bichitra Ramayana or Bisi Ramalila (Biswanath Khuntia).pdf/୭୭

ଉଇକିପାଠାଗାର‌ରୁ
ଏହି ପୃଷ୍ଠାଟି ସଂଶୋଧିତ ହୋଇନାହିଁ
ଆଦ୍ୟକାଣ୍ଡ

ରାଗ–ଭୈରବ [୧]
କଉଶିକ ସଙ୍ଗେ ରାମ । ଗଲେ ଗଉତମାଶ୍ରମ[୨] ।।
ଦେଖିଲେ ତାଙ୍କୁ ଶ୍ରୀରାମ । ପଡ଼ିଛି ପାଷାଣ କ୍ରମ[୩] ।।
[୪]ତାପରେ ଉଠନ୍ତେ [୫]ରାମ । ବାହାର ହୋଇଲେ ହେମ ।।
ଗଉରୀ ନାରୀ ଉତ୍ତମ[୬] । ଯୁବତୀ ଅହଲ୍ୟା ନାମ ।।
ଶ୍ରୀରାମଙ୍କ ବେନି ପାଦ । ଘାତକୁ [୭]ବିଷକୁ ଗଦ ।।
ଛାଡ଼ିଲା ଶାପ ପ୍ରମାଦ । ହୋଇଲା ମହା ପ୍ରମୋଦ [୮]।।
କୃତାର୍ଥ ରମଣୀ ନେତ୍ର । ଦେଖି ଦଣରଥ ପୁତ୍ର [୯]।।
ପବିତ୍ର ହୋଇଲା ଗାତ୍ର । ଲାଗି ଶ୍ରୀଚରଣ ମାତ୍ର ।।
ଫଳ ମୂଳ ପୁଷ୍ପ ଘେନି[୧୦] । ପାଦକୁ ପୂଜେ କାମିନୀ ।।
ବୋଲେ ବିଶି ସଙ୍ଗେ ଘେନି । ମିଥିଳା ଗଲେକ ମୁନି[୧୧] ।।
ରାଗ-ବିଭାସ ମଙ୍ଗଳଗୁଜ୍ଜରୀ[୧୨]
ଶ୍ରାରାମ ପଚାରନ୍ତି ଭୋ ମୁନେ କହ ମୋତେ ।
ନାରୀ ଅବା ପାଷାଣ ସେ ହୋଇଲା କେମନ୍ତେ । ଘୋଷା
ମୁନି କ‌ହନ୍ତି ଶ୍ରୀରମ ଶୁଣ ହେ ସନ୍ଦେଶ[୧୩]
ଶକ୍ର ସକାଶୁ ହୋଇଲା ଏମନ୍ତ ଭବିଷ୍ୟ ।।
ଏକଦିନେ ଗଉତମ ତପ କରି ଗଲେ ।
ପୁରନ୍ଦର ଗଉତମ ଶରୀର ଧଇଲେ ।।
ପ୍ରବେଶ ହୋଇଲେ ଗଉତମଙ୍କ ସଦନ ।
ରମିଲେ ସେ ଋଷି ନାରୀ ଯୁବତୀ ରତନ ।।


  1. ରାଗ-ଭଇରବ ଏକତାଳୀ ପୋଥିପାଠ
  2. ଗଲେ ଗଉ ଆଶ୍ରମ ପୋଥିପାଠ
  3. କମ ପୋଥିପାଠ
  4. ତୁରିତେ ପୋଥିପାଠ
  5. ଉଠିଲେ ପୋଥିପାଠ
  6. ଅତିଉପାମ ପୋଥିପାଠ
  7. ପାଦକୁ ପୋଥିପାଠ
  8. ପ୍ରମାଦ ପୁସ୍ତକପାଠ
  9. ସୁତ ପୋଥିପାଠ
  10. ଫଳ ପୁଷ୍ପ ବେନି ପୁସ୍ତକପାଠ
  11. ବୋଲେ ଦୀନ ବିଶି କହିଲା ଯାଇଣ ଭେଟିଲା ଗୌତମ ମୁନି ପୋଥିପାଠ
  12. ରାଗ-ବିଭା ପୋଥିପାଠ
  13. ରାମ ଶୁଣ ହୋ ସନ୍ଦେଶ ପୋଥିପାଠ ।