"ଘ" - ଘନକେଶା ରେ
| ←"ଗ" - ଗୁଣ ରତ୍ନାକର ହେ | ଚୌପଦୀ ରତ୍ନାକର ଲେଖକ/କବି: ଘନକେଶା ରେ |
"ଙ" - ନିଦ ନାହିଁଟି ନଟବରକୁ ଗୋ→ |
ଘନକେଶା ରେ
(ରାଗ: ରେଗୁପ୍ତ)
ଘନକେଶା ରେ, ଘେନ ଏତେ ଗିର ମୋର ସୁସାରେ ।ପଦ ।
ଘସ୍ରନାଥକନ୍ୟାକୂଳବସା ରେ,
ଘୋଣାଗ୍ରେ କିଶୋର ଶ୍ଵାସ ପ୍ରସାରେ ।୧।
ଘୋରତର କାମକାତିଭୂଷାରେ,
ଘାଣ୍ଟି ହେଉଅଛି ଦିବାନିଶାରେ ।୨।
ଘଟସ୍ତନା ତୁ ଏ କଷ୍ଟଦଶାରେ,
ଘନାଶ୍ଳେଷେ ରଖି ଯଶ ସଂସାରେ ।୩।
ଘାରି ହେଉଅଛି ଏ ଦୁର୍ଦ୍ଦଶାରେ,
ଘୋରି ହୋଇ ଯାଉଛି ସେ ରସାରେ ।୪।
ଘୋଟି କାମତମ ପ୍ରତିଦିଶାରେ,
ଘୁମାଉଅଛିଟି ରସାଳସା ରେ ।୫।
ଘଡ଼ିଏ ଶ୍ରୀଯୁଗଳ ପ୍ରଶଂସାରେ,
ଘଟାଇଲେ କବିରବି ଭାଷାରେ ।୬।