ଅଣାକାର ଭଜନ ରଟ
ଅଣାକାର ଭଜନ ରଟ
ଅଣ ସାଧନାରେ ପାଇବୁ ଭେଟ ।
ତିଳ ଚୋପା ପ୍ରାଏ କପାଟ
ଗଳିବାକୁ ବଡ଼ ସଙ୍କଟ
ଅମନ ଘରରୁ ସୁମନ ଦୁଆରୀ
ଚେତି ଚାହିଁଯିବ ଚେତନା ଘାଟ । ୧ ।
ଲକ୍ଷ ଲକ୍ଷ ଗଲେଣି ଥାଟ
ପାର ହୋଇଯାଏ ସେ ଘାଟ
ଜଗିଅଛି ଅହି ଡଂସିବାର ପାଇଁ
ଉଂକାର ଅକ୍ଷର କଳପବଟ । ୨ ।
ତହିଁ ଆଗେ ତାଣ୍ଡେବ ନାଟ
ଭାଗ୍ୟ ଥିଲେ ସେଠାବେ ଭେଟ
ଷୋଳ ବିଧି ପୂଜା ତହିଁକି ଅଯୋଗା
ମାୟାଧାରୀ ଜଗି ବସିଛି ମଠ । ୩ ।
ଛାଡ଼ିଦିଅ ଛନ୍ଦ କପଟ
ଖୋଲି ଦିଅ ନେତ୍ର କପାଟ
କହଇ ଅଚ୍ୟୁତ ଏ ପରମ ତତ୍ତ୍ଵ
ଶ୍ରୀଗୁରୁ ଚରଣେ ଟହଲ ଖଟ । ୪ ।