ପୃଷ୍ଠା:ଅଭିନବ ବୀଜଗାଣିତିକ ବିଧି ବିଜ୍ଞାନ.pdf/୧୧

ଉଇକିପାଠାଗାର ରୁ
Jump to navigation Jump to search
ଏହି ପୃଷ୍ଠାଟି ବୈଧ ହୋଇସାରିଛି


(୧୨)


୨୧. ସମୀକରଣର ଉଭୟ ପକ୍ଷ ଗୋଟିଏ ଭଗ୍ନାଂଶ ହୋଇ ଥିଲେ,ଉଭୟର ଲବ ବା ଉଭୟର ହରରୁ ଗୁଣନୀୟକ ଆକାରରେ ଥିବା ସମାନ ସମାନ ରାଶି (୦ ବ୍ୟତୀତ ) ବାଦ୍ ଦିଆଯାଇପାରିବ ।


୨୨. ଦୁଇଟି ଭଗ୍ନାଂଶ ସମାନ ହେଲେ,ପ୍ରଥମଟିର ଲବ ଓ ଦ୍ଵିତୀୟଟିର ହର ଗୁଣଫଳ, ଦ୍ଵିତୀୟଟିର ଲବ ଓ ପ୍ରଥମଟିର ହରର ଗୁଣଫଳ ସଙ୍ଗେ ସମାନ | ଏହି ପ୍ରକ୍ରିୟାକୁ ବଜ୍ରଗୁଣନ କୁହାଯାଏ ।

ଯଥା a/b =c/d ହେଲେ axd = bxc ହେବ ।


୨୩. ଦୁଇଟି ଭଗ୍ନାଂଶ ପରସ୍ପର ସମାନ ହେଲେ , ସେମାନଙ୍କ ଅନ୍ୟନ୍ୟୋକ * ଦ୍ଵୟ ମଧ୍ୟ ପରସ୍ପର ସମାନ ହେବେ ।


୨୪. ଦୁଇ ବା ତତୋଧିକ ରାଶିର ଗୁଣଫଳ ଶୂନ୍ୟ (୦) ହେଲେ, ତନ୍ମଧ୍ୟରୁ ଅନ୍ତତ ଗୋଟିଏ କିମ୍ବା ସମସ୍ତ ରାଶିର ମୂଲ୍ୟ ଶୂନ୍ୟ (୦) ହେବ ।


୨୫. କୌଣସି ଭଗ୍ନାଂଶର ମୂଲ୍ୟ ଶୂନ୍ୟ (୦) ସହ ସମାନ ହେଲେ , ଭଗ୍ନାଂଶର ଲବ ହିଁ ଶୂନ୍ୟ (୦) ସହ ସମାନ ହୁଏ ।


୨୬ . a, b, c, d ଅଖଣ୍ଡ ଧନସଂଖ୍ୟା ଏବଂ a+b=c+d ସ୍ଥଳରେ a>c ହେଲେ, b<d ହେବ ।