ପୃଷ୍ଠା:Aama Gangadhara.pdf/୧୦୩

ଉଇକିପାଠାଗାର ରୁ
Jump to navigation Jump to search
ଏହି ପୃଷ୍ଠାଟି ବୈଧ ହୋଇସାରିଛି


ହେବାକୁ ଗୋ-ଗଜ-ବାଜୀ-ରସନା-ରସଦ,
ସଂଗୃହୀତ ହୋଇଅଛି ବିଭିନ୍ନ ରସଦ ।
ଆରବ୍ୟ-ପାରସ୍ୟଜାତ ଫଳମୂଳମାନ,
ରସଦ ଭଣ୍ଡାରେ ଆସି ପାଇଅଛି ସ୍ଥାନ ।
ଅଶ୍ୱାରୋହୀ ପଦାତିକ ଆସି ଦଳଦଳ,
ନେଉଛନ୍ତି ପ୍ରଜାମୁଣ୍ଡେ ବୁହାଇ ସକଳ ।
ମନୋମତ ଦ୍ରବ୍ୟ ଲାଭେ ହେଲେ କିଛି ତ୍ରୁଟି,
ଗ୍ରାମେ ଗ୍ରାମେ ପଶି ପୁଣି କରୁଛନ୍ତି ଲୁଟି ।

ଅହଲ୍ୟାସ୍ତବ
(ଶାର୍ଦ୍ଦୂଳ - ବିକ୍ରୀଡ଼ିତ ବୃତ୍ତେ)

ପୃଥ୍ୱୀମଣ୍ଡନ ହେ ଜଗତ୍‍ପତି ବିଭୋ
ଭକ୍ତଙ୍କ ମୁକ୍ତି ଖଣି
ସଂସାରାର୍ଣ୍ଣବ ପାର-କାରଣପଟୁ
କୈବର୍ତ୍ତଚୂଡ଼ାମଣି ।

ସାଧୁ ପାଳନ ଦୃଷ୍ଟ ନାଶ କରଣେ
ସମ୍ଭୁତ ଏ ଭୂତଳେ
ତୁମ୍ଭ ଶ୍ରୀଚରଣା- ମ୍ୱୁଜେ ରହୁ ସଦା
ଚିତ୍ତାଳି ମୋ ନିଶ୍ଚଳେ ।

କ୍ଷୀରାବ୍‍ଧିତନୟା ସୁକୋମଳ କରା
ମ୍ଭୋରୁହ ମର୍ଦ୍ଦିତ ଯେ
ତ୍ରୈଲୋକ୍ୟାଘ ବିନା- ଶିନୀ ସୁରଧୁନୀ
ଯତ୍ପାଦରୁ ଯାତ ଯେ ।

ଭାବନ୍ତି ନିଶି ବା- ସରେ ପ୍ରେମଭରେ
ଯେ ପାଦ ଯୋଗିଦଳେ
ତୁମ୍ଭ ଶ୍ରୀଚରଣା- ମ୍ୱୁଜେ ରହୁ ସଦା
ଚିତ୍ତାଳି ମୋ ନିଶ୍ଚଳେ ।

୧୦୩ * ଆମ ଗଙ୍ଗାଧର