ପୃଷ୍ଠା:Aama Gangadhara.pdf/୫୪

ଉଇକିପାଠାଗାର ରୁ
Jump to navigation Jump to search
ଏହି ପୃଷ୍ଠାଟି ବୈଧ ହୋଇସାରିଛି


ପୂର୍ଣ୍ଣ କଳାକର ସମୁଦିତ ହେଲେ
ତାରାକୁଳ ଯଥା ମ୍ଳାନ,
ଅଜ ଆଗମନେ ନୃପମାନଙ୍କର
ହ୍ରସ୍ୱ ହେଲା ଅଭିମାନ ।

କନ୍ୟା ଲାଭ ଆଶା ଦୂର ହୋଇଗଲା
ମାନସରୁ ତାହାଙ୍କର,
ଶରଦ ଆଗମ ଦରଶନେ ଯଥା
ଆକାଶରୁ ଜଳଧର ।

ରାଜନ୍ୟମଣ୍ଡଳ ମଧ୍ୟେ ବିରାଜିଲା
ଏକାଳେ ରାଜନନ୍ଦିନୀ,
ଇନ୍ଦ୍ର-ଶରାସନ ତଳେ ବିଳସିଲା
କିବା ଚାରୁ ସୌଦାମିନୀ ।

ଅଥବା ରତନ ଖଣିଗର୍ଭେ ହେଲା
ଦୀପଶିଖା ପ୍ରଜ୍ଜ୍ୱଳିତା,
ନବ ବିକଶିତ କମଳକାନନେ
କମଳା ବା ବିରାଜିତା ।

ରାଜସୁତ-ଚିତ୍ତ- ଆହ୍ଲାଦଦାୟିନୀ
ବରମାଲ୍ୟ ଅଛି ଧରି,
କୁମୁଦମାଳିନୀ ଶରଦ-କୌମୁଦୀ
ଶୋଭା-ଗର୍ବ ଅପହରି ।

ଚାହିଁ ଅଦଭୁତେ ଅପୂର୍ବ ଲାବଣ୍ୟ
ରୂପସୀ-ରୂପସାଗରେ,
ରୂପଲୋଭୀ ନୃପ କୁମାରଙ୍କ ମନ
ମୀନେ ବୁଡିଗଲେ ଖରେ ।

୫୪ . ଆମ ଗଙ୍ଗାଧର