ଏହି ପୃଷ୍ଠାଟି ବୈଧ ହୋଇସାରିଛି
ଯୋଗ୍ୟକୁ ଯୋଗ୍ୟରେ ଯୋଜନା କରଣେ
ତିଳେ ଭ୍ରାନ୍ତି ନାହିଁ ଯା'ର,
ସେହି ବିଧି ଏକା ଦେଇଛନ୍ତି ତୋତେ
ଏହି ଦିବ୍ୟ ଅଳଙ୍କାର ।
ଉତ୍କଳ ଲକ୍ଷ୍ମୀ
(ରାଗ - ବଙ୍ଗଳାଶ୍ରୀ)
ଦିଗ ଆମୋଦିତ କଲା ହୋଇ ସେହି
ସମୟେ କୁସୁମବୃଷ୍ଟି,
କାହୁଁ ଆସୁଅଛି କୁସୁମ ବୋଲି ମୁଁ
ଗଗନକୁ ଦେଲି ଦୃଷ୍ଟି ।
ଦେଖିଲି ପ୍ରଫୁଲ୍ଲ ଧବଳ କୁସୁମ
ରଚିତ ବହୁ ବିମାନ,
ଶାରଦ ଜୀମୂତ ପ୍ରାୟେ ହେଉଛନ୍ତି
ଗଗନେ ଉଡ଼୍ଡ଼ୀୟମାନ ।
ବିମାନ ମଧ୍ୟରେ ଜ୍ୟୋର୍ତିମୟ ବପୁ
ଜଣେ ଜଣେ ବସିଛନ୍ତି,
ଦିଶନ୍ତି ଯେସନେ ଘନ କୋଳେ ସ୍ଥିର
ହୋଇଅଛି ଐରାବତୀ ।
ବିମାନ ମସ୍ତକେ ଲେଖା ହୋଇଅଛି
ବିରଳ ବୃହତ ବର୍ଣ୍ଣେ,
ଲିପିମାଳା କିବା ଗଢ଼ା ହୋଇଅଛି
ବିଶୁଦ୍ଧ ଖନିଜ ସ୍ୱର୍ଣ୍ଣେ ।
'ଜଗନ୍ନାଥ ଦାସ' 'ବଳରାମ ଦାସ'
କରଣ 'କୃଷ୍ଣଚରଣ',
ନାମ ଦେଖି ତହିଁ ଆନନ୍ଦେ ପ୍ରଫୁଲ୍ଲ
ହେଲା ମୋ ନୟନ ମନ ।
୬୦. ଆମ ଗଙ୍ଗାଧର