ପୃଷ୍ଠା:Aama Gangadhara.pdf/୬୩

ଉଇକିପାଠାଗାର ରୁ
Jump to navigation Jump to search
ଏହି ପୃଷ୍ଠାଟି ବୈଧ ହୋଇସାରିଛି


ଲେମ୍ବୁଟିଏ ମାତ୍ର ଅଧିଷ୍ଠିତ ଥାଏ
ରାଜ-ସିଂହାସନ ପରେ;
ଯାହା ପାଳି ପଡ଼େ ରାଜପଣ କରେ
ଲେମ୍ବୁଟିକୁ ଧରି କରେ ।

ସେହି ଅଷ୍ଟଜଣ ମଲ୍ଲିକ ନାମରେ
ହେଉଥିଲେ ଅଭିହିତ,
'ଆଠମଲ୍ଲିକରେ ଲେମ୍ବୁ ରାଜା' ବୋଲି
ଅଦ୍ୟାପି ହୁଏ କଥିତ ।

ସିଂହାସନେ ବସି ଲେମ୍ବୁ ଧରିଥିଲେ
କିବା ବଡ଼ କିବା ସାନ,
ଯାହାକୁ ଯେମନ୍ତ ଆଜ୍ଞା ଦିଅନ୍ତି ତା'
କଦାପି ନହୁଏ ଆନ ।

ଏହି ରୂପେ ହେଉ ଥାଏ ପାଟଣାର
ରାଜକାର୍ଯ୍ୟ ସମ୍ପାଦିତ
ସମୟ କ୍ରମରେ ବୃଦ୍ଧ ବିପ୍ରଙ୍କର
ପାଳି ହେଲା ଉପସ୍ଥିତ ।

ପୀଡ଼ିତ ଥିବାରୁ ଶିଶୁ ରମାଇଙ୍କୁ
ପଠାଇ ଦେଲେ ସ୍ଥବିର,
ସିଂହାସନେ ବସି ବିଚିତ୍ର ରାଜତ୍ୱ
କଲେ ସେ ରମାଇ ବୀର ।

ପ୍ରଥମେ ଅପର ସପ୍ତ ମଲ୍ଲିକର
ମସ୍ତକ ଖଡ଼୍‍ଗେ ଛେଦି,
ସେ ସପ୍ତ ମସ୍ତକୋ ପରେ ବନାଇଲେ
ରାଜସିଂହାସନ ବେଦି ।