ପୃଷ୍ଠା:Aama Gangadhara.pdf/୯୯

ଉଇକିପାଠାଗାର‌ରୁ
ଏହି ପୃଷ୍ଠାଟି ବୈଧ ହୋଇସାରିଛି

ରାଜା ଭାବୁଥିଲେ ପ୍ରେମ ମୂରତିକି
ପ୍ରଣୟ-ପୀଠେ ଆରାଧି,
ନ ପାରି ଧରମ ଲଙ୍ଘି ନିଜେ ହୋଇ-
ଛନ୍ତି ମହା ଅପରାଧୀ ।

କେଉଁ କଥା କହି କେମନ୍ତ କ୍ଷାଳନ
କରାଇବେ ନିଜ ଦୋଷ,
ଅଙ୍ଗୁରୀୟ ଲାଭ କଥା କହିଲେ କି
ଜନ୍ମିବ ପ୍ରିୟାର ତୋଷ ?

ଛଅ ବରଷର ବିରହ-ଯାତନା
କେଉଁଆଡେ଼ ଗଲା ଉଡ଼ି,
ପରସ୍ପର ମୁଖ ଦେଖି ସୁଖାମୃତ
ପାରାବାରେ ଗଲେ ବୁଡ଼ି ।

ପଦ୍ମିନୀ
(ଦ୍ୱିତୀୟ ସର୍ଗ)

କାଳ ଜାଣି କର୍ମ କଲେ ଫଳଇ ସୁଫଳ,
ସବୁବେଳେ ନ ପାରଇ ରହି ଭାଗ୍ୟବଳ ।
ମୋହଠାରେ ଅଛି ଆଜି ଯେଉଁ ଧନପଣ,
ଛାଡ଼ିଲେ ହସିବେ କାଲି କାପୁରୁଷଗଣ ।
ଜନମି ନଥାଏ କେହି ରାଜଛତ୍ର ଧରି,
ପରାକ୍ରମୀ ଚାହିଁ ନିଏ ରାଜଲକ୍ଷ୍ମୀ ବରି ।
ଜଲ୍ଲାଲର କେଉଁ ବାପ ଥିଲା ରାଜପଦେ,
ସେ ତ ଦିଲ୍ଲୀ ଦଳୁଅଛି ଆସି ଆଜି ପଦେ ।
କପଟେ କାଇକୋବାଦେ ଦେଇ ବିଷାଶନ,
ଭୃତ୍ୟ ଥିଲା, ମାଡ଼ି ବସିଅଛି ସିଂହାସନ ।
ପର ରାଜ୍ୟ ବଳେ ନେଲେ କିଛି ନାହିଁ ପାପ,

ଆମ ଗଙ୍ଗାଧର.୯୯