ଦୁଇଟି ଶବ୍ଦ ମିଶି ଗୋଟିଏ ଶବ୍ଦ ହୋଇଥିଲେ ଏବଂ ମଝିରେ କିଛି ପରିବର୍ତ୍ତନ ହୋଇଥିଲେ ସେଭଳି ଶବ୍ଦକୁ ସନ୍ଧି ଶବ୍ଦ କୁହାଯାଏ ।
ବିଦ୍ୟାଳୟ, ସଚ୍ଚରିତ୍ର, ପୁନର୍ବାର, ଏଗୁଡ଼ିକ ଗୋଟିଏ ଗୋଟିଏ ସନ୍ଧି ଶବ୍ଦ ।
ସନ୍ଧିଶବ୍ଦରେ ମିଶିଥିବା ଶବ୍ଦଗୁଡ଼ିକୁ + ଚିହ୍ନଦ୍ୱାରା ଦେଖାଇ ଦିଆଯାଏ ।
ତଳେ + ଚିହ୍ନ ସହିତ କେତେକ ସନ୍ଧିଶବ୍ଦ ଦିଆଗଲା ।
ବିଦ୍ୟା + ଆଳୟ = ବିଦ୍ୟାଳୟ ସତ୍ + ଚରିତ୍ର = ସଚ୍ଚରିତ୍ର
ଜନ୍ମ + ଅଷ୍ଟମୀ = ଜନ୍ମାଷ୍ଟମୀ ଜଗତ୍ + ନାଥ = ଜଗନ୍ନାଥ
ଦେବ + ଆଶିଷ = ଦେବାଶିଷ ଚଳତ୍ + ଚିତ୍ର = ଚଳଚ୍ଚିତ୍ର
ମହା + ଆଶୟ = ମହାଶୟ ଦିକ୍ + ଅମ୍ବର = ଦିଗମ୍ବର
ଗଣ + ଈଶ = ଗଣେଶ ଷଟ୍ + ଆନନ = ଷଡ଼ାନନ
ମହା + ଈଶ୍ୱର = ମହେଶ୍ୱର ମନଃ + କାମନା = ମନସ୍କାମନା
ଲମ୍ବ + ଉଦର = ଲମ୍ବୋଦର ଚତୁଃ + ପଦ = ଚତୁଷ୍ପଦ
ପର + ଉପକାର= ପରୋପକାର ପୁନଃ + ବାର = ପୁନର୍ବାର
ପ୍ରତି + ଏକ = ପ୍ରତ୍ୟେକ ଅନ୍ତଃ + ଗତ = ଅନ୍ତର୍ଗତ
ସପ୍ତ + ଋଷି = ସପ୍ତର୍ଷି ତପଃ + ବନ = ତପୋବନ
ତୁମେ ନିମ୍ନଲିଖିତ ଲେଖାରେ ସନ୍ଧି ହୋଇଥିବା ପଦଗୁଡ଼ିକୁ ଚିହ୍ନାଅ ଏବଂ ସେଗୁଡ଼ିକୁ + ଚିହ୍ନଦ୍ୱାରା ଅଲଗା ଅଲଗା କର ।
ପଠାଣି ସାମନ୍ତ ମହାମହୋପାଧ୍ୟାୟ ଉପାଧି ପାଇଥିଲେ ।
ଜୟଦେବ ଶ୍ରୀଜଗନ୍ନାଥଙ୍କର ପରମ ଭକ୍ତ ଥିଲେ ।
ପ୍ରତ୍ୟେକ ପ୍ରାଣୀ ଦେହରେ ପରମେଶ୍ୱର ଅଛନ୍ତି ।
ପରୋପକାରେ ଯାହାର ସଦା ଥାଏ ମତି
ଜଗଦୀଶ୍ୱର ତାହାକୁ ସହାୟ ହୁଅନ୍ତି ।
ସଜ୍ଜନ ସଙ୍ଗେ କଲେ ବାସ । ସୁଗୁଣ ହୋଇବ ବିକାଶ ।।
୬୬ ■ ଆମ ଓଡ଼ିଆ ବ୍ୟାକରଣ