ଏହି ପୃଷ୍ଠାଟି ବୈଧ ହୋଇସାରିଛି
(କ) ଗାଁ, ଆକାଶ, ପବନ, ସେବା, ସୁନ୍ଦର, ମଧୁର - ଏଗୁଡ଼ିକର ଅର୍ଥ ଅଛି । ତେଣୁ ଏଗୁଡ଼ିକ ଗୋଟିଏ ଗୋଟିଏ ଶବ୍ଦ ।
ପକଚ, ଲରଟା, କପଣିଜ, ନବରଟୁ- ଏଗୁଡ଼ିକର କୌଣସି ଅର୍ଥ ନାହିଁ । ତେଣୁ ଏଗୁଡ଼ିକ ଶବ୍ଦ ନୁହେଁ ।
ଏକ ବା ଏକାଧିକ ଅକ୍ଷର ମିଶି ଅର୍ଥ ପ୍ରକାଶ କରୁଥିଲେ ତାହାକୁ ଶବ୍ଦ କହନ୍ତି ।
ଶବ୍ଦ ଆଉ ଅର୍ଥ ଦୁହେଁ ଅଟନ୍ତି ଅଭିନ୍ନ
ଚନ୍ଦନ ସହିତ ତା’ର ସୁଗନ୍ଧ ଯେସନ ।
ତଳ ଲେଖାଗୁଡ଼ିକ ମଧ୍ୟରୁ କିଏ ଶବ୍ଦ, କିଏ ଶବ୍ଦ ନୁହେଁ, ତୁମେ ଚିହ୍ନାଇଦିଅ ।
ରାଜଧାନୀ, ବଗିଚା, କପମା, ବିଜୁଳି, ଫଣିଜ, ଦୋକାନ ।
(ଖ) ଜଳଖିଆ ମୁଁ ଗଲି ଖାଇ ଖେଳିବାକୁ
ପ୍ଲାଷ୍ଟିକ୍ ତିଆରି ଜିନିଷଗୁଡ଼ିକ ଆଜି
ଏହି ଦୁଇ ଧାଡ଼ି ଲେଖାରୁ ଯଦିଓ କିଛି କିଛି ଅର୍ଥ ବୁଝାପଡୁଛି, କିନ୍ତୁ ସ୍ପଷ୍ଟ ଭାବେ ବୁଝାପଡୁ ନାହିଁ । ଆମେ ନିମ୍ନ ପ୍ରକାରେ ଲେଖିଲେ ଅର୍ଥ ସୃଷ୍ଟି ବୁଝାପଡ଼ିବ-
ମୁଁ ଜଳଖିଆ ଖାଇ ଖେଳିବାକୁ ଗଲି ।
୧୦ • ଆମ ଓଡ଼ିଆ ବ୍ୟାକରଣ