ଏହି ପୃଷ୍ଠାଟି ବୈଧ ହୋଇସାରିଛି
ତାରାରୁ ସମୟ ମାପ
ଆଜିକାଲି ସମୟ ଜାଣିବା ପାଇଁ ଆମେ ଘଣ୍ଟା ବା ଋତୁ ଜାଣିବା ପାଇଁ କ୍ୟାଲେଣ୍ଡର ଉପରେ ନିର୍ଭର କରୁଛେ । କିନ୍ତୁ ମଣିଷର ପ୍ରଥମ ଘଣ୍ଟା, କ୍ୟାଲେଣ୍ଡର, ବାଟକଢାଳୀ ସବୁ ଥିଲା ତାରାଭର। ଆକାଶ । ସତରେ ଦେଖିଲେ ଦିନ, ମାସ, ବର୍ଷ, ଋତୁ ସବୁ ଚିହ୍ନଟ ହୋଇଛି ଏହି ତାରାମାନଙ୍କୁ ନେଇ ଆକାଶରେ ତାରାମାନଙ୍କର ଗତି ଓ ଅବସ୍ଥିତିକୁ ନେଇ ମଣିଷ ଏଭଳି ସମୟ ମାପ ସବୁକୁ ଠିକ୍ କରିଛି । ସୂର୍ଯ୍ୟ (ହଁ, ସେ ବି ଗୋଟିଏ ତାରା) ଓ ଚନ୍ଦ୍ର ଘଣ୍ଟା ଓ ମିନିଟ୍ କଣ୍ଟା ଭଳି କାମ କରନ୍ତି । ପ୍ରକୃତରେ ସୂର୍ଯ୍ୟକୁ ଦିନ କଣ୍ଟା ଓ ଚନ୍ଦ୍ରକୁ ମାସ କଣ୍ଟା କହିଲେ ଠିକ୍ ହେବ ।