ଏହି ପୃଷ୍ଠାଟି ସଂଶୋଧିତ ହୋଇନାହିଁ
କୁଳମଣି ରାଜେନ୍ଦ୍ର
ବିରହୋତ୍କଣ୍ଠିତା
ସଖୀପ୍ରତି—ଶ୍ରୀରାଧା
କହ ଗୋ ଦୂତୀ ମୋତେ କାହିଁ ଗଲେ ହରି ଗୋ । ପଦ ।
ଶିଖଣ୍ଡ ଚୂଳିଆ ସେ ମୋ ନବଘନ କାଲା ହୋ,
ପିଣ୍ଡରୁ ପରାଣ କେ ମୋ ହରି ଘେନି ଗଲା । ୧ ।
ଯେଣିକି ଚାହିଁଲେ ନେତ୍ରେ ତା ରୂପ ଦିଶିଲା ଗୋ
ଅସନ ବସନ ବିଷ ପରାଏ ହୋଇଲା ଗୋ । ୨ ।
ଯେତେ ରୂପେ ଆମ୍ଭଠାରେ ସେ ମୁହାଁସ କଲେ ଗୋ
ଏବେ ସେ ମୂର୍ଚ୍ଛିବେ ବୋଲି ପରତେ ନ ଥିଲା ଗୋ । ୩ ।
ଗୋପପୁର ଜନଶିରୀ ଶ୍ରୀନନ୍ଦ ନନ୍ଦନ ଗୋ
ଆସିବେ ବୋଲି ନଇଲେ କି ବିଚାରି ମନ ଗୋ । ୪ ।
କୁଳମଣି ରାଜଇନ୍ଦ୍ର କୃଷ୍ଣପାଦେ ଚିନ୍ତି ଗୋ
କହନ୍ତି ଏ ରସେ ରାଧା ବିରହ ଭାରତୀ ଗୋ । ୫ ।
