ଏହି ପୃଷ୍ଠାଟି ସଂଶୋଧିତ ହୋଇନାହିଁ
ଦେଲେ, କଳା ସିନ୍ଦୁର ଦେଲେ, ଧୂପଦୀପ ଦେଇ ପୂଜା କଲେ । ବଜ୍ର ମହାକାଳୀଙ୍କି ସ୍ଥାପନ କଲେ । ଧାନ ଗଛ, ବେଲଗଛ, ବଜ୍ରମୂଳି ଗଛ, ଆଖୁଗଛ, ଅଁଳାଡାଳ ଓ ବେଲଡାଳ ବାଢ଼ିଲେ । କଦଳୀ, ନଡ଼ିଆ, ବାଢ଼ିଲେ, ବଜ୍ରମହାକାଳୀଙ୍କୁ ସୁବର୍ଣ୍ଣର ପୁସ୍ତା ଲଗାଇଲେ । କଖାରୁ ପତ୍ର ସାତଗୋଟି ପକାଇ ଆରଦ୍ରା ବାଢ଼ିଲେ । ନିଃସଖୁଡ଼ି ଶଙ୍ଖୁଡ଼ି ବାଢ଼ିଲେ । ସାତ ଶାଗର ତୁଣ ବାଢ଼ିଲେ । ଠାକୁରାଣୀଙ୍କୁ ନୈବେଦ୍ୟ କଲେ । କଥା ଶୁଣିଲେ । କଖାରୁ ପତ୍ର ସାତଗୋଟି ପକାଇ ପାଣିକଖାରୁ ସାତଗୋଟି ଗଡ଼ାଇଲେ । ପୁଅଝିଅ, ନାତିନାତୁଣୀ ଗଡ଼ାଇଲେ । କଥା ଶୁଣିଲେ, ପୁରୋହିତଙ୍କୁ ଦକ୍ଷିଣା ଦେଇ ବିଦାୟ କଲେ । ସେହି ପ୍ରସାଦକୁ ସମସ୍ତେ ବାଣ୍ଟି ଖାଇଲେ । ସାହିପଡ଼ିଶାକୁ ଦେଲେ । ଏଥି ଉତ୍ତାରୁ କେତେଦିନ ଗଲାପରେ ସାନବୋହୂ ଗର୍ଭବାସ ହେଲା । ଦେଖୁ ଦେଖୁ ଦଶମାସ ହେଲା । ପେଟ ବଥାଇଲା । ଶାଶୁକୁ କହିଲା ମୋର ପେଟ ବଥାଉଛି । ଶାଶୁ ଧାଈ ପରିବାର ଲଗାଇଲା । ପୁଅ ଜନ୍ମ ହେଲା । ନାଭି
