ପୃଷ୍ଠା:Bichitra Ramayana or Bisi Ramalila (Biswanath Khuntia).pdf/୮୬

୨୬

ରାମଲୀଳା

ରାଗ କଳଶା ^[୧]
ଶ୍ରୀରାମ ଲକ୍ଷ୍ମଣ ବିଶ୍ୱାମିତ୍ର ସଙ୍ଗେ ଘେନି ।
କିଛିଦୂର ପାଛୋଟି ଅଇଲେ ରାଜମୁନି |
ଦଶରଥ ମହୀପତି ସଙ୍ଗେ ହେଲେ ଭେଟ ।
ମାନ୍ୟ ଗଉରବ କଲେ ଯେ ଯାହାର ଶ୍ରେଷ୍ଠ ।।
ହେମମୟ ପୁରେ ନେଇ ବିଜେ କରାଇଲେ ।
ଭୋଜନ ନିମନ୍ତେ ବିହୁ ଉପହାର ଦେଲେ ।
ଚତୁରଙ୍ଗ^[୨]ବଳ ଯେ ସମସ୍ତ ହେଲେ ସୁସ୍ଥ ।
ସୁଖେ ନିଦ୍ରା ଗଲେ ନିଶି ହେଲାକ ପ୍ରଭାତ |
ନତ୍ୟକର୍ମ ବଢ଼ାଇଣ ଦଶରଥ ରାଜ ^[୩]
ସଙ୍ଗତରେ ବଶିଷ୍ଠ ଆବର ବହୁ ଦ୍ୱିଜ ^[୪]
ଜନକ ରାଜା ପୁରକୁ ବିଜେ କରିଗଲେ ।
ଦେଖି ମୁନି ଆଲଙ୍ଗନ କରି ବସାଇଲେ ।
ବଶିଷ୍ଠ ଦେଖି ଜନକ ହେଲେ ବହୁ ହୃଷ୍ଟ ।
କାଲି ବିଭା ହେବ ବୋଲି କହିଲେ ବଶିଷ୍ଠ ।।
ବେନି ଜନଙ୍କର ବେନି ବଂଶାନୁଚରିତ ।
କ‌ହିଲେକ କଉଶିକ ଅତ୍ୟନ୍ତ ପବିତ୍ର ।।
ବୋଲନ୍ତି ବଶିଷ୍ଠ ଆହେ ଶୁଣ ରାଜ‌ଋଷି ।
ଭରତ ^[୫] ଶତ୍ରୁଘ୍ନ ଲକ୍ଷ୍ମଣ ଅଛନ୍ତି ଆସି ।
ତିନି କୁମାରୀଙ୍କି କର ଏହାଙ୍କୁ ପ୍ରଦାନ ।
ଶୁଣି ସୀଉକାର କଲେ ମିଥିଳା ରାଜନ ।।
ବିଶ୍ୱାମିତ୍ରଙ୍କ ମହିମା ବୋଲେ ବଶିଷ୍ଠ ମୁନି ।
ଦ୍ୱିତୀୟ ବ୍ରହ୍ମା ^[୬]ଅବତରିଛନ୍ତି ମେଦିନୀ ।
ଧାତବ ଅଭାବେ କଲେ ଅଭିନବ ସୃଷ୍ଟି ।
ଏଣୁ ବୋଲନ୍ତି ଏ ଦ୍ୱିତୀୟ ପରମେଷ୍ଠି ।।

1. କୃଷ୍ଣ ଚଉତିଶା ରାଗେ କଳଶା ବାଣୀରେ ଗାଇବ ପୋଥିପାଠ ।
2. ଉଭୟ ପୋଥି ଓ ବହିରେ ଚତୁରାଙ୍ଗ ବଳ ପାଠ ରହିଛି ।
3. ରାଜା ପୋଥିପାଠ ।
4. ବହୁ ପୂଜା ପୋଥିପାଠ
5. ଉ୍ରଥ ପୋଥିପାଠ
6. ଦୁତୀ ବ୍ରହ୍ମା ପୋଥିପାଠ