ପୃଷ୍ଠା:Bichitra Ramayana or Bisi Ramalila (Biswanath Khuntia).pdf/୯୦

ଉଇକିପାଠାଗାର‌ରୁ
ଏହି ପୃଷ୍ଠାଟି ସଂଶୋଧିତ ହୋଇନାହିଁ

ରାମଲୀଳା

ରାଗ ଘଣ୍ଟାରବ

ବହୁ ମହୋତ୍ସବ କଲେ ଯେ , ସାତ ମଙ୍ଗଳାଇ ଗଲେ |
ଜଣେ ଜଣେ କରି ଜନକ ଅନେକ [୧] ରତନ ବାସନା ଦେଲେ ଯେ ||

ଦଶରଥ ବେନି କର ଯେ , ଧରି ରାଜ ଋଷିବର |
ମିଥିଳା[୨] ନଗର ଆଜହୁଁ ତୁମ୍ଭର ଅଯୋଧ୍ୟା ନଗର ମୋର ହେ ||

  
କୁମାରୀମାନଙ୍କ ଦୋଷ ହେ , କ୍ଷମା କରିବା ନରେଶ |
[୩]ଶୁଣି ନୃପତି ଆଲିଙ୍ଗନ କରିଣ ହୋଇଲେକ ହସ ହସ ଯେ ||


ଦଶରଥ ମହାରାଜା ଯେ , ବଜାଇଲେ ବୀର ବାଜା |
ବିଭା ବଢ଼ାଇ ବାହୁଡା ବିଜେ କଲେ ସଙ୍ଗେ ଘେନି କ୍ଷିତି ଦୁଜା [୪] ଯେ ||


ଚଳେ ଋତୁରଙ୍ଗ ବଳ ଯେ , କୁରୁମ ଟଳ ମଟଳ [୫] |
ସମୁଦ୍ର ମନ୍ଥନ ପ୍ରାୟକ ଶୁଭୁଛି ମୁଖରାବର ଚହଳ ଯେ ||


ଶୁଣି କରି ଭୃଗୁପତି [୬] ଯେ , କୋପ ବସିଲା ତା ମତି |
ପର୍ଶୁ ଝମକାଇ ଓଗାଳିଲା ଆଗେ ଦଶରଥ ମହୀପତି ଯେ ||


ବୋଲନ୍ତି ତୁ ରହ ରହ ହୋ ,[୭] ତୋର ସୁତ କାହିଁ କହ ?
କେମନ୍ତ ସ୍ୱରୂପ କେତେକ ବୟସ ଆମ୍ଭଙ୍କୁ ଥରେ ଦେଖାଅ ହେ ||


ଶୁଣିକରି ନୃପବର ଯେ , ଶିରେ ଦେଲେ ବେନି କର |
ସବୁଦିନେ ମୁହିଁ ତୁମ୍ଭର କୋୟର [୮] ପର୍ଶୁଧର ରକ୍ଷାକର [୯] ହେ ||

  1. କନକଭୂଷଣ ପୋଥି ପାଠ |
  2. ନବର ପୋଥି ପାଠ |
  3. ପୁଣି ପୁସ୍ତକ ପାଠ |
  4. କ୍ଷିତିଦୁଜା = ସୀତା କିନ୍ତୁ ପୁସ୍ତକ ପାଠ | କ୍ଷିତିଦୁଜା ସଙ୍ଗତ ମନେହୁଏ ନାହିଁ |
  5. ପୃଥିବୀକୁ କୂର୍ମ ଧାରଣ କରିଥିବାରୁ ବୀରମାନଙ୍କ ପାଦଘାତରେ କୂର୍ମ ଟଳମଳ ହେଲେ |
  6. ଶୁଣି କରି ଭୃଗୁପତି ପୁସ୍ତକ ପାଠ |
  7. ବୋଲନ୍ତି ତୁ ରହ ରହ ରେ ପୁସ୍ତକ ପାଠ |
  8. କୋୟର = ଚାକର ବା ସେବକ ଅର୍ଥରେ ଦେଶଜ ଶବ୍ଦ |
  9. ଦୟାକର ପୋଥି ପାଠ |