ଏବେ ଶୟନ କର କ୍ରୋଧପୁର [୧]
ରାଜା ଅଇଲେ ମାଗ ବେନି ବର ।
ରାମ ବନେ ଯିବେ ଭ୍ରତ ରାଜା ହେବେ ପୂର୍ବକଥା [୨] ମନେ କର,
ଗୋ ସୁନ୍ଦରୀ ।।
ମନ୍ଥଡ଼ା ବାଣୀ କୈକେୟୀ ରାଣ ଶୁଣି କ୍ରୋଧ ମନ୍ଦିରେ ପହୁଡ଼ିଲେ ।
ଦୃଢ଼ କରିଣ କବାଟ ପାଡ଼ିଲେ ।
ଗୁରୁ [୩]କ୍ରୋଧ ବହି ଧରଣୀରେ ଶୋଇ ଆଭରଣ ଦୂର କଲେ ,
ସେ ସୁନ୍ଦରୀ ।।
ରାଜା ରାମଙ୍କୁ ଦେଇଣ ମେଲାଣି ।
ନିଜ ସଦନେ ପ୍ରବେଶ ରୟଣୀ [୪] ।
ମଦନ ବଶେ କୈକେୟୀ ରାନୀ ପାଶେ କହେ ନାନାଚାଟୁ ବାଣୀ,
ସେ ରାଜନ ।।
ଉଠ ଉଠ ଆରେ ନରେନ୍ଦ୍ର ନନ୍ଦିନୀ କିମ୍ପାଇଁ କରୁ ଏଡ଼େ ମାନ ।
କହ କହ [୫]ମୋତେ ପ୍ରିୟ ବଚନ ।
ଯାହା ମାଗିବୁ ତାହା ଯେବେ ନ ଦେବି [୬] ନାଶିବି ସୁକୃତମାନ,
ଗୋ ସୁନ୍ଦରୀ !
ଶୁଣି ପୂର୍ବ ବର ମାଗେ ତରୁଣୀ ।
ସତ୍ୟ କରାଇ କହେ ପୁଣ ପୁଣି [୭]
ଭ୍ରତ ରାଜା ହେବେ ରାମ ବନେ ଯିବେ ଏହା ଦେବ ନୃପମଣି,
ହେ ଭୋଦେବ ।।
ଶୋଣି ତା ନୃପତି ଶିରରେ କୁଳିଶ ପଡ଼ିଲା ପ୍ରାୟେକ ହୋଇଲା ।
ଆଉ ଦେହରେ ଜ୍ଞାନ ନ ରହିଲା ।
କେତେବେଳେ ପୁଣି ସ୍ୱପ୍ନ ପ୍ରାୟ ମଣି କଇକେଇକୀ କହିଲା [୮]
ସେ ରାଜନ ।
ପୃଷ୍ଠା:Bichitra Ramayana or Bisi Ramalila (Biswanath Khuntia).pdf/୯୭
Jump to navigation
Jump to search
ଏହି ପୃଷ୍ଠାଟି ସଂଶୋଧନ ହୋଇସାରିଛି
