ପୃଷ୍ଠା:Chata Ichhabati.pdf/୩୬

ଉଇକିପାଠାଗାର‌ରୁ
ଏହି ପୃଷ୍ଠାଟି ବୈଧ ହୋଇସାରିଛି

ୟେମନ୍ତ ତ‌ହିଂ କେତେ ଦିନ ଗଲା,
ଇଚ୍ଛାଚାଟ ମୁଦୁସୁଲୀ ଦେଖିଲା,
କୁମାରୀ ଡ଼ରେ ସେ ନ କଲା ଗୋଳ,
ୟେକ ଆରେକ ସେ ମୁଖ ଚ‌ହଳ,
ସେ କାହୁଂ ରହିବ ?
ଅବଶ୍ୟ ସେହୁ ପ୍ରଘଟ ୩୨ ହୋଇବ ।୩୧।
ଶୁଣି ନୃପତି ଦୋସାଧୁ ହକାରି ୩୩,
ଚୋର ସଂଗେ ଇଚ୍ଛାବତୀ କୁମାରୀ,
ଧରି ଆଣି ମୋର ଛାମୁରେ ଦେବୁ,
ନୋହିଲେ ତୋ ବଂଶ ନିଶ୍ଚେ ନାଶିବୁ
ତା ଦୋସାଧୁ ଶୁଣି,
ନ‌ଗ୍ର ପାଟଣା ଫେରି ୩୪ ଖୋଜେ ପୁଣି ।୩୨।
ରାଜା ନ‌ବର ୟେକ କାଠିପୁର,
କନ୍ଦି ବିକନ୍ଦି ଆଡ଼ ଓହାଡ଼ର ୩୫,
ସ୍ତ୍ରିରୀ ମଧ୍ୟେ ପଶି ଠାବ ସେ କଲା,
ଅନେକ ଧନ ବସନ ବ‌ହିଲା ୩୬,
ଚୋର ଠାବକଲା,
ସ୍ୱରୂପ ବ‌ନମାଳୀ ଯେ କ‌ହିଲା ।୩୩।

୩୨। ପ୍ରଘଟ-ପ୍ରକାଶ । ୩୩। ହଜାରି - ଡ଼ାକି ।୩୪। ଫେରି - ବୁଲି ।

୩୫। ଉ‌ହାଡ଼, ଶୁଦ୍ଧପାଠ । ୩୬। 'ବ‌ହିଲା' ପରିବର୍ତ୍ତେ 'ଯେ ଦେଲା' ହେଲେ, ଦୋସାଧୁ ଅନେକ ଧନ ବସ୍ତ୍ର ବିନିମୟରେ ଚୋର ଖୋଜି ବାହାର କରିବାରେ ସମର୍ଥ ହୋଇଥିଲା ବୋଲି ଅର୍ଥ ସୁସ୍ପଷ୍ଟ ହେବ ।