ପୃଷ୍ଠା:Chata Ichhabati.pdf/୫୭

ଉଇକିପାଠାଗାର‌ରୁ
ଏହି ପୃଷ୍ଠାଟି ବୈଧ ହୋଇସାରିଛି
(୫୫)

ବରକନ୍ୟା ୟେକଠାବେ ବିଚିତ୍ର ବେଦିରେ ।
ଯଉତୁକମାନ ନେଈଂ ବାଢ଼ିଲେ ଛାମୁରେ ହେ ।।୪୨।।
ଇଷ୍ଟ ବନ୍ଧୁ କୁଟୁମ୍ବ ଯେତେକ ଯାଇଥିଲେ ।
ପାତ୍ରମନ୍ତ୍ରୀ ସମସ୍ତେ ଯେ ଯଉତୁକ ଦେଲେ ହେ ।।୪୩।।
ପାଟ ମହାଦେଈମାନ ସାଗେଂଣ ଅଛନ୍ତି ।
ବରକନ୍ୟା ବନ୍ଦାଇଣ ଭିତରକୁ ଯାନ୍ତି ହେ ।।୪୪।।
ପଞ୍ଚୁଗ୍ରାସୀ ସାରିଣ ସେ ଚାଟ ଇଚ୍ଛାବତୀ ।
ବିଚିତ୍ର ପୁରେଣ ରତ୍ନ ପଲକେଂ ବସନ୍ତି ହେ ।।୪୫।।
ବେଭାରେ ଯୋଗାଡ଼ମାନ ପଞ୍ଚ ଯେ ଅମୃତ ।
କୋଟି କୋଟି ଅନ୍ନ ୩୨ ଦାନ ଦେଲାକ ବହୁତ ହେ ।।୪୬।।
ରାତ୍ରେ ମଉଶେଯେ ୩୩ ବିଜେ ଇଚ୍ଛାବତୀ ଚାଟ ।
ଚଉଷଠୀ ବନ୍ଧେ ରତ କଲେକ ବହୃତ ହେ ।। ୪୭ ||
ସରିଲା ଚଉଠୀ ୩୪ ଅଷ୍ଟମଙ୍ଗଳଣ ବିଧି ।
ଚାନ୍ଦ ବନ୍ଦାପନା ୩୫ ତ‌ହିଂ କଲେ ପରସିଧି ହେ ।।୪୮।।
ନୃପତିର ଦୁତି ଆତ୍ମା ଇଚ୍ଛାବତୀ ।
ନିଶ୍ଚନ୍ତେଣ ସାବଧ୍ୟାନେ ଥାଇ ତାର କତି ହେ ।।୪୯।।


୩୨। ଅର୍ଣ୍ଣ (ପୋଥିପାଠ) ।

୩୩। ମଉଶେଯ – ମଧୁଶଯ୍ୟା ।

୩୪ । ଚଉସଠି (ପୋଥିପାଠ), ବିବାହର ଚତୁର୍ଥ ଦିବସକୁ ଚତୁର୍ଥୀ ବା ଚଉଠୀ ବୋଲି କୁହାଯାଏ । ଅଷ୍ଟମଙ୍ଗଳଣ = 'ଆଠମଙ୍ଗଳା' ବୋଲି ଦେଶଜ ଭାଷାରେ କଥିତ । ବିବାହର ଆଠଦିନ ପର୍ଯ୍ୟନ୍ତ ମଙ୍ଗଳକୃତ୍ୟ ହେଉଥାଏ । ଅଷ୍ଟମ ଦିବସରେ ତାହା ଉଦ୍‌ଯାପନ ହୁଏ ।

୩୫ । ବିବାହର ପରବର୍ତ୍ତୀ ଶୁକ୍ଳ ତୃତୀୟା ଦିନ ବରକନ୍ୟା ଚନ୍ଦ୍ରଙ୍କୁ ପୂଜା କରନ୍ତି ।