ଇଚ୍ଛାକୁ ଦେଖିଣ ମନେ ବଡ ହରଷ |
ୟେହା ବିନୁ ପୁତ୍ର ଆଉ କରିବ କିସ |୬୯|
ୟେତେ ବୋଲି ବରକନ୍ୟା ଘେନିଣ ଗଲେ |
ଆପଣା ମନ୍ଦିରେ ସେ ପ୍ରବେଶ ହୋଇଲେ |୭୦|
ବରମାୟେ ସଙ୍ଗେ ରାଣୀମାନଙ୍କୁ ଘେନି |
ବର କନ୍ୟାଙ୍କୁ ବନ୍ଦାଇ ଗଲେ କାମିନୀ |୭୧|
ସହଚରୀ ଘେନି ସାନ ନାବରେ ଗଲେ |
ବିଚିତ୍ର ମନ୍ଦିରେ ଶେଯ ଶେଯାଇ ଦେଲେ |୭୨|
ଶ୍ରାହାନ ଭୋଜନ ସାରି ବିବିଧ ବେଶ |
ପିଠା ପଣା ପଇଡ ଯେ ବିବିଧ ରସ |୭୩|
ଭୋଜନ ସାରି ବସିଲେ ପଲଙ୍କେ ଯାଇଁ |
କର୍ପୁର ବିଡିଆ ଲାଗି କରାନ୍ତି ନେଇଁ |୭୪|
ଭୋଜରାଜା ନନ୍ଦନ ଯେ ପାଛୋଟି ଗଲେ୪୬ |
ପଞ୍ଚାମୃତ ଦେଇଣ ବହୁତ ତୋଷିଲେ |୭୫|
କିଛୁ ଦିନ ଅନ୍ତେ ତାକୁ କଲେ ମେଲାଣି |
ଅକ୍ଷତ ଧନ ବସନ କେ ପାରୁ ଗଣି |୭୬|
ଦାନ୍ତୁଆଣି କଟକୁ୪୫ ଯେ ଯାଇଣ ଥିଲେ |
ସନମାନ ପାଇ ନିଜ ରାଜ୍ୟକୁ ଗଲେ |୭୭|
ୟେମନ୍ତେଣ ଚାଟ ଇଛା ନିଜ ରାଜ୍ୟରେ |
ପିତା ମାତା ଦେଖିଲେ ସେ ଶିରୀ ନବରେ |୭୮|
୪୫| ଦାନ୍ତୁଆଣୀ କଟକ ହେଲେ ଏହା ବର୍ତ୍ତମାନ 'ଦାନ୍ତନ' ନାମକ ସ୍ଥାନକୁ ବୁଝାଇବ |
୪୬| 'ଭୋଜନନନ୍ଦନ ଯେ ପାଛୋଟି ଯାଇଥିଲେ' ହେଲେ ଅର୍ଥ ଅଧିକ ସ୍ପଷ୍ଟ ହେବ |
