ଏହି ପୃଷ୍ଠାଟି ସଂଶୋଧିତ ହୋଇନାହିଁ
୨
ଗୌରଚରଣ ଗୀତାବଳୀ
ଏମନ୍ତ ଶ୍ରୀଗୁରୁ ବାଞ୍ଛାକଳ୍ପତରୁ
ଯା ପ୍ରକଟ ଅଦଭୁତ
ବିଶୁଦ୍ଧ ବୈରାଗୀ ଶ୍ରୀନାମାନୁରାଗୀ
ଅଲୋକିତ ଶୋଭାବନ୍ତ ।୪।
ଶୁକ୍ଳମାଲ୍ୟ ଶୁକ୍ଳ ବସନେ ଭୁଷିତ
ଶୁକ୍ଳ ପଦ୍ମପୀଠେ ବିଜେ
ସେ ପ୍ରଭୁଙ୍କ ଦାସ ଦାସ ଅନୁଦାସ
ଦ୍ୱିଜ ଗୌରଦାସ ନିଜେ ।୫।
[ଦୁଇ]
ଶ୍ରୀ ଗୌରହରି ଭଜନାଷ୍ଟକ
(ନବ ନୀରଦ ନିନ୍ଦିତ କାନ୍ତିଧରଂ-ବୃତ୍ତ)
ଭବଭୟ ଭଞ୍ଜନ କାରଣ ଗୋରା
ତ୍ରିଭୁବନ ମୋହନ ମାନସ ଚୋରା ।
କୃପା ସାଗର ନାଗର ଦଣ୍ତଧାରୀ
ଭଜ ଭଜ ତୁ ରେ ମନ ! ଗୌରହରି ।୧।
ନବରସେ ବିଭୂଷିତ କଳେବର
ଭାବ ବିକାରେ ନିରତେ ଗରଗର
ବିଗଳିତ ପଦ୍ମନେତ୍ରୁ ଅଶ୍ରୁବାରି
ଭଜ ଭଜ ତୁ ରେ ମନ!ଗୌରହରି ।୨।
ଇନ୍ଦୁ ବିନିନ୍ଦିତ ଚାରୁ ନଖଛଟା
ନିଜ ନାମ ଗୁଣ ନିଜ ମୁଖେ ରଟା
