ପୃଷ୍ଠା:Gobar Gotei (C Mohapatra, 1930).pdf/୪୩

ଉଇକିପାଠାଗାର‌ରୁ
ଏହି ପୃଷ୍ଠାଟି ବୈଧ ହୋଇସାରିଛି

ଭୋ ରଡ଼ି ଛାଡ଼ି କ‌ହିଲା- "ହଜୁର ! ହଜୁର ! ଦୁନିଆଁର ମା' ବାପ, ଗରିବର ଧର୍ମାବତାର । ଓହୋ ! ଏହି ନିରୀହ ପରାଣୀଙ୍କୁ ଯେ ଦାଣ୍ଡ ଦେଖି ନଥିଲେ, ତାଙ୍କୁ ଆଣି କଚେରୀ ଦୁଆରେ କିଏ ଅଟକାଇଲା ? ମୋ ବୋପା ଲୋ, ମୁଁ ତ ଘସି ପାଇଁ ଯାଇ ଶୁଣିଲି ଯେ, ତାଙ୍କୁ ଦାରୁଗା ବାନ୍ଧି ନେଇଚି । ଏପରି ଗୀତ ଗାଇଲା ପରି କେତେ ବାହୁନିଲା । ତାକୁ ଥିରି ହୋଇ ଚୁପ ରହିବାକୁ ହାକିମ ହୁକୁମ ଦେଲେ ମାତ୍ର ତାର ସରଳ କୋମଳ କାନ୍ଦଣାରେ ଆଖି ତଳକୁ କରି ଦେଲେ ।

କିଛି ସମୟ ପରେ ମାଜିଷ୍ଟ୍ରେଟ ସାହେବ, ବାଳିକାକୁ ଆଉ ବୃଦ୍ଧାକୁ ଏବଂ ସେ ଘସିବୁଢ଼ାକୁ ମଟରରେ ଘେନି ବସାକୁ ଚାଲିଗଲେ । କିଛି ଦିନ ଅନୁସନ୍ଧାନ ପରେ ହାକିମଙ୍କର ଆଦେଶ ବାହାରିଲା ।

'ପୋଲିସ ସବ୍ଇନ୍‌ସ୍‌‌ପେକ୍ଟର ସସ୍‌ପେଣ୍ଡ ହୋଇଅଛନ୍ତି । ବୃଦ୍ଧା ଏବଂ ବାଳିକାଟିକୁ ଦଣ୍ଡ ଦେଇଥିବା ମୋଫସଲ ଏବଂ ସଦର ପୁଲିଶ ହେଡ୍ କନିଷ୍ଟବଳ୍‌ଙ୍କୁ ବରଖାସ୍ତ କରାଯାଇଚି । ପ୍ରଧାନ‌କୁ ୬ ମାସ, ତା ସାଙ୍ଗରେ ଥାନାକୁ ଆସିଥିବା ଦୁଇଜଣଙ୍କୁ ଚାରି ଚାରି ମାସ ଏବଂ ବୁଢ଼ୀକୁ ଗାଁରେ ଅତ୍ୟାଚାର କରିଥିବା ଲୋକମାନଙ୍କୁ ଦୁଇ ଦୁଇ ମାସ, କଡ଼ି ଦେଇ ଆଣିଥିବା କନିଷ୍ଟବଲ୍‌ଙ୍କ ଦୁଇ ଦୁଇ ବର୍ଷ ଜେଲ୍ ହୋଇଅଛି । ସଦର ହେଡ୍ କନିଷ୍ଟବଲ୍ ଇନ୍‌ଚାର୍ଯ୍ ସବ୍ଇନସ୍‌ପେକ୍‌ଟର ହୋଇ ଅଛନ୍ତି ।

ମୁହୂର୍ତ୍ତକେ ଯଥା ଆଜ୍ଞା ପ୍ରତିପାଳିତ ହେଲା । ନୂଆ ସବ୍ଇନ୍‌ସପେକ୍‌ଟର ବାବୁ ଜେଲ୍ ଭୋଗୀମାନଙ୍କ ହାତରେ ଗୋଡ଼ରେ ସବୁ ବେଡ଼ି ଦେଇ ଜେଲକୁ ପଠାଇ ଦେଲେ । ହାଁ କରି ଦେଇ ଫାମ୍ପଡ଼ ମୁହଁରେ କାନ୍ଦି କାନ୍ଦି ସବ୍‌ ଇନ୍‌ସପେକ୍‌ଟର ବାବୁ ଘରକୁ ଗଲେ । ତାଙ୍କ ମୁଣ୍ଡରେ