ଏହି ପୃଷ୍ଠାଟି ବୈଧ ହୋଇସାରିଛି
---୪---
ମାନ ଉଦ୍ଧାରଣ କରହେ କାରଣ,
ଶରଣ ମୁଁ ତୁମ୍ଭ ପାଦତଳେ ।।ପଦ।।
ଅନାଥର ନାଥ ନୀଳଗିରି ନାଥ,
ଜଗନ୍ନାଥ ନାମ ନୀଳା ଚଳେ ।।୧।।
ଲକ୍ଷେ ଯୋଜନରେ ଗଜ ଡ଼ାକ ଦେଲା,
ତା ଡ଼ାକ ଶୁଣିଲ ପଶା ଖେଳେ ।
ମାରକଣ୍ତ ଋଷି ଯାଉଥିଲେ ଭାସି
ଉଦ୍ଧରି ଧରିଲ ବାମ କରେ ।।୨।।
କିଷ୍କିନ୍ଦାକୁ ଗଲ ବାଳୀ ବିନାଶିଲ
ବନ୍ଧ ଯେ ବାନ୍ଧିଲ ସିନ୍ଧୁ ଜଳେ ।
ଲଙ୍କାରେ ରାବଣ ବଧିଲ ଆପଣ,
ଜନକ ନନ୍ଦିନୀ ସୀତା ଛଳେ ।।୩।।
ଯୁଧିଷ୍ଠିର ବୋଲେ ହସ୍ତିନାକୁ ଗଲ,
ଭୋଜନ କଲ ବିଦୂର ଘରେ ।
କୁରୁସଭା ତଳେ ପାଞ୍ଚାଳୀ ଚିନ୍ତିଲା,
କୋଟି ବସ୍ତୁ ଦେଲ ଅବହେଳେ ।।୪।।
---୫---
