କେତେ ବର୍ଷ ହେବ ବିଜୁ ଜନତା ଦଳର କାର୍ଯ୍ୟକାରିଣୀ ବୈଠକ ବସାଇ ନାହାନ୍ତି, ସେ ପୁଣି
ମୋତେ ସସ୍ପେଣ୍ଡ୍ କରିବେ ?'
ଦଳରୁ ପ୍ୟାରୀଙ୍କୁ ନିଲମ୍ବନ ଏବଂ
ଅଞ୍ଜଳି, ସଂଜୀବ ଓ ସାରଦାଙ୍କୁ ମନ୍ତ୍ରୀପଦରୁ ବରଖାସ୍ତ:
୩୧-୫-୨୦୧୨ରେ ବିଜୁ ଜନତା ଦଳର ସୁପ୍ରିମୋ ନବୀନ ପଟ୍ଟନାୟକ ପ୍ୟାରୀମୋହନ
ମହାପାତ୍ରଙ୍କୁ ଦଳରୁ ନିଲମ୍ବିତ କଲେ । ମନ୍ତ୍ରୀ ଅଞ୍ଜଳି ବେହେରା ଓ ସଂଜୀବ ସାହୁଙ୍କୁ ମନ୍ତ୍ରିମଣ୍ଡଳରୁ
ବରଖାସ୍ତ କରିବାପାଇଁ ମଧ୍ୟ ରାଜ୍ୟପାଳଙ୍କୁ ସୁପାରିଶ କଲେ । ମୁଖ୍ୟମନ୍ତ୍ରୀଙ୍କ ସୁପାରିଶକୁ
ରାଜ୍ୟପାଳ ଅନୁମୋଦନ କଲେ । ଅଞ୍ଜଳିଙ୍କ ହାତରେ ଥିବା ମହିଳା ଓ ଶିଶୁ କଲ୍ୟାଣ ବିଭାଗ
ଓ ସଂଜୀବଙ୍କ ହାତରେ ଥିବା ପରିବହନ ବିଭାଗ ଦାୟିତ୍ୱ ମୁଖ୍ୟମନ୍ତ୍ରୀ ନିଜ ପାଖରେ ରଖିଲେ ।
ସେହିପରି ୪-୬-୨୦୧୨ରେ ମନ୍ତ୍ରିମଣ୍ଡଳରୁ ସାରଦା ନାୟକଙ୍କୁ ବରଖାସ୍ତ କରିବାପାଇଁ
ମୁଖ୍ୟମନ୍ତ୍ରୀ ରାଜ୍ୟପାଳଙ୍କୁ ସୁପାରିଶ କଲେ । ମୁଖ୍ୟମନ୍ତ୍ରୀଙ୍କ ସୁପାରିଶକୁ ରାଜ୍ୟପାଳ ଅନୁମୋଦନ
କରିଦେଲେ । ବରଖାସ୍ତ ମନ୍ତ୍ରୀ ସାରଦା ନାୟକଙ୍କ ହାତରେ ଥିବା ଗୃହ ନିର୍ମାଣ ଓ ନଗର
ଉନ୍ନୟନ ବିଭାଗକୁ ମୁଖ୍ୟମନ୍ତ୍ରୀ ନିଜ ହାତରେ ରଖିଲେ ଏବଂ ଅବକାରୀ ବିଭାଗ ଦାୟିତ୍ୱ ପ୍ରଫୁଲ୍ଲ
ଚନ୍ଦ୍ର ଘଡ଼ାଇଙ୍କୁ ପ୍ରଦାନ କଲେ ।
ଏନ୍.ସି.ପି. ବିଧାୟକମାନେ ବିଜେଡ଼ିରେ ମିଶିଲେ :
ଓଡ଼ିଶାରେ ନ୍ୟାସ୍ନାଲିଷ୍ଟ କଂଗ୍ରେସ ପାର୍ଟି (ଏନ୍.ସି.ପି.) ୨୦୦୯ ନିର୍ବାଚନରେ ବିଜୁ ଜନତା
ଦଳ ସହ ମେଣ୍ଟ କରି ଚାରିଟି ଆସନରେ ବିଜୟୀ ହୋଇଥିଲା । ଏହି ଦଳରୁ ଚାରିଜଣ ସଦସ୍ୟ
ଓଡ଼ିଶା ବିଧାନସଭାକୁ ନିର୍ବାଚିତ ହୋଇ ଶାସକ ବିଜୁ ଜନତା ଦଳର ସହଯୋଗୀ ଭାବରେ କାର୍ଯ୍ୟ କରୁଥିଲେ । ହେଲେ ୨୦୧୨ ମସିହା ଜୁନ୍ ୫ ତାରିଖରେ ଏହି ବିଧାୟକମାନେ ନିଃସର୍ତ୍ତ ଭାବରେ ବିଜୁ ଜନତା ଦଳରେ ମିଶିଗଲେ ବୋଲି ଘୋଷଣା କଲେ । ଏମାନଙ୍କ ସହ ଏନ୍.ସି.ପି. ଓଡ଼ିଶା ଶାଖାର ସାଧାରଣ ସଂପାଦକ ମନୋଜ ଚୌଧୁରୀ ମଧ୍ୟ ବିଜେଡ଼ି ସହିତ ମିଶିଗଲେ । ଫଳରେ ଓଡ଼ିଶା ବିଧାନସଭାରେ ବିଜୁ ଜନତା ଦଳର ସଦସ୍ୟ ସଂଖ୍ୟା ୧୦୪ରୁ ୧୦୮କୁ ବୃଦ୍ଧିପାଇଲା । ନାସ୍ନାଲିଷ୍ଟ କଂଗ୍ରେସ ପାର୍ଟିର ଓଡ଼ିଶା ବିଧାନସଭାର ସଦସ୍ୟମାନେ ହେଲେ ଅମର ଶତପଥୀ (ବଡ଼ଚଣା), ପ୍ରଶାନ୍ତ ନନ୍ଦ (ବେଗୁନିଆ), ନବୀନ ଚନ୍ଦ୍ର ନନ୍ଦ (ଢେଙ୍କାନାଳ) ଓ ରାମଚନ୍ଦ୍ର ହାଁସଦା (ସାରସକଣା) ।
ତୃତୀୟଥରପାଇଁ ନବୀନଙ୍କ ମନ୍ସିମଣ୍ଡଳରେ ଅଦଳ ବଦଳ :
ତୃତୀୟ ଥରପାଇଁ ଓଡ଼ିଶା ମନ୍ତ୍ରିମଣ୍ଡଳ ସଂପ୍ରସାରଣ ଓ ଅଦଳ ବଦଳର ଅବ୍ୟବହିତ ପୂର୍ବରୁ ମନ୍ତ୍ରୀ ପ୍ରଫୁଲ୍ଲ ଚନ୍ଦ୍ର ଘଡ଼ାଇ, ପ୍ରଫୁଲ୍ଲ ସାମଲ, ପୁଷ୍ଟେନ୍ଦ୍ର ସିଂହଦେଓ, ପ୍ରତାପ ଜେନା ଓ
ଓଡ଼ିଶା ରାଜନୀତିର ଇତିହାସ . ୩୨୭
