କଳାକାର ଶିକ୍ଷକ ବିଷ୍ଣୁ ଚରଣ ମିଶ୍ର ଡକ୍ଟର ରବୀନ୍ଦ୍ର କୁମାର ପ୍ରହରାଜ
କୁଜଙ୍ଗ ଅଞ୍ଚଳର ଚଟୁଆ ଗ୍ରାମରେ ୧୯୧୫ ମସିହାରେ ସ୍ବର୍ଗତ ବିଷ୍ଣୁଚରଣ ମିଶ୍ରଙ୍କର ଜନ୍ମ । ଯେଉଁ ଯେଉଁ ବିଦ୍ଯାଳୟୃଐ ସେ କାର୍ଯ୍ଯ କରି ଆସିଥିଲେ ସେଠାରେ ସେ ଲୋକ ସାଧାରଣରେ ' ବିଷ୍ଣୁ ମିଶ୍ର - ହେଡମାଷ୍ଟର୍ ' ନାମରେ ପରିଚିତ ଥିଲେ । କୌଣସି ବିଦ୍ଯାଳୟରେ ୨/୩ ବର୍ଷରୁ ଅଧିକ କାର୍ଯ୍ଯକରିବା ତାଙ୍କ ଜାତକରେ ନ ଥିଲା । ତାଙ୍କ କର୍ମଧାରା, ଜୀବନ, ଦର୍ଶନ , ସ୍ବାଭିରୁଚି ଓ ବ୍ଯକ୍ତିତ୍ବ ଦୀର୍ଘକାଳ କୌଣସି ପରିଚାଳନା ସଂସ୍ଥା ସହ ଏକମେଢ ହୋଇ ରହିବା ଲାଗି ଅନୁକୂଳ ନ ଥିଲା । କାରଣ ପ୍ରତ୍ଯେକ ବିଷୟରେ ତାଙ୍କର ଥିଲା ଲକ୍ଷଣୀୟ ସ୍ବାତନ୍ତ୍ର୍ଯ ।
୧୯୪୯ ମସିହା । ଗ୍ରୀଷ୍ମାବକାଶ ପରେ ପଣ୍ଡୁଅ ମଧ୍ଯିଂରାଜୀ ବିଦ୍ଯାଳୟ ଯଥାରୀତି ଶିକ୍ଷାଦାନକାର୍ଯ୍ଯରେ ମୁଖରିତ ହେବାକୁ ଆରମ୍ଭ କରିଥାଏ । ମୋର ମାଇନର ଶେଷବର୍ଷ ଅର୍ଥାତ୍ ସପ୍ତମ ଶ୍ରେଣୀ । ମୁଁ ମୋର ପୂର୍ବ ଅଭ୍ଯାସ ଅନୁଯାୟୀ ପ୍ରାୟ ପନ୍ଦରଦିନ ବିଳମ୍ବରେ ଏକମାତ୍ର ପୁଅ ପୁଣି ଭରି ଗେଲାବସର ହୋଇଥିବାରୁ ବୋଉ ଓ ଘରୁ ଅଶ୍ରୁଳ ବିଦାୟ ନେଇ ଆମ ଘରଠାରୁ
