ବ୍ରଣ୍ଟନ୍ ନିଜ ପୁସ୍ତକ 'Journey in Secret Egypt'ରେ ଏହିପରି କିଛି ଅନୁଭୂତିର ବର୍ଣ୍ଣନା
କରିଛନ୍ତିି । ସେ ଲେଖିଛନ୍ତି, ସେ କୁଆଡେ଼ ଦେଖାପାଇଥିଲେ ଏପରି କିଛି ସିଦ୍ଧ ସାଧକଙ୍କର- ଯିଏ
ଆଜିଯାଏ ପିରାମିଡ଼୍ର ଜ୍ଞାନର ଭଣ୍ତାରକୁ ଜଗି ରହିଛନ୍ତି ! ପଞ୍ଚଦଶ ଶତାବ୍ଦୀର ଆରବ ଐତିହାସିକ
ଅଲ୍ ମାକ୍ରିଯି ପିରାମିଡ଼୍ ମାନଙ୍କ ସମ୍ବନ୍ଧରେ ଏକ ଅନନ୍ୟ ତଥ୍ୟ ବର୍ଣ୍ଣନା କରିିଥିଲେ । ସେ
ଲେଖିଥିଲେ, ପିରାମିଡ଼୍ର ଗର୍ଭଗୃହରେ ଲୁହାରେ କଳଙ୍କି ଲାଗେ ନାହିଁ ଓ କାଚ ନ ଭାଙ୍ଗି
ମୋଡ଼ିହୋଇଯାଏ । ଆଜିଯାଏ ଏହି ବିଶ୍ୱାସ ଅଛି ଅନେକଙ୍କ ମନରେ । ଅନେକେ ଭାବନ୍ତି,
କାଚର ପିରାମିଡ଼୍ ତଳେ ବ୍ଲେଡ଼୍ ରଖିଲେ ତାହାର ଧାର ମରେ ନାହିଁ । ପିରାମିଡ଼୍ ଆକାରର ତମ୍ବୁ
ତଳେ ଲୋକେ ଧ୍ୟାନ କରନ୍ତି ପ୍ରକୃତିର ଶକ୍ତିର କେନ୍ଦ୍ରୀଭୂତ ସତ୍ତାକୁ ଅନୁଭବ କରିବାପାଇଁ ।
ପିରାମିଡ଼ ଆକୃତିର ଗୃହ ଓ ଧ୍ୟାନ ମନ୍ଦିରର ନିର୍ମାଣ ଆଜି ବି ଚାଲିଛି ।
ଏରିକ୍ ଭନ୍ ଡାନିକେନ୍ ଓ ଜେଚାରିଆ ସିଟ୍ଚିନ୍ଙ୍କ ଭଳି ଗବେଷକ ଆଜିଯାଏଁ ଗ୍ରହଣ
କରିପାରୁନାହାନ୍ତି ଯେ କୌଣସି ମାନବ ସଭ୍ୟତା ମୋ ଭଳି ପିରାମିଡ଼୍ ନିର୍ମାଣ କରିପାରିବ ।
ସେମାନେ କହନ୍ତି, ଅନ୍ୟ କୌଣସି ସୁଦୂର ଗ୍ରହର ନିବାସୀମାନେ ପୃଥିବୀରେ ନିଜର ମାଇଲ୍
ଖୁଣ୍ଟଭାବେ ନିର୍ମାଣ କରିିଲେ ପିରାମିଡ଼୍ମାନଙ୍କୁ । ଏହା ଭିତରେ ଲୁଚି ରହିଛି ଗ୍ରହାନ୍ତର ଯାତ୍ରାର
ରହସ୍ୟ । ଏଡ଼୍ଗର୍ କେସି କିନ୍ତୁ କହନ୍ତି, ପିରାମିଡ଼୍ ନିର୍ମାଣ କରିଥିଲେ ଆମ ଧରାପୃଷ୍ଠରେ ଆମ
ଆଗରୁ ବସବାସ କରୁଥିବା ଆମଠାରୁ ଉନ୍ନତ ଓ ବୈଜ୍ଞାନିକ ସ୍ତରରେ ବିକଶିତ ମାନବମାନେ ।
ପୃଷ୍ଠା:Saptascharya.pdf/୨୦
ଏହି ପୃଷ୍ଠାଟି ବୈଧ ହୋଇସାରିଛି
୨୦ ସପ୍ତାଶ୍ଚର୍ଯ୍ୟ
