କଦମ୍ବ ବନେ ବଂଶୀ ବାଜିଲା

ଉଇକିପାଠାଗାର ରୁ
Jump to navigation Jump to search
କଦମ୍ବ ବନେ ବଂଶୀ ବାଜିଲା
ଲେଖକ/କବି: ଗୋପାଳକୃଷ୍ଣ ପଟ୍ଟନାୟକ

କଦମ୍ବ ବନେ ବଂଶୀ ବାଜିଲା


କଦମ୍ବ ବନେ ବଂଶୀ ବାଜିଲା ରେ।
ରାଧା ଦମ୍ଭ ଶିଖରୀ ଭାଜିଲା ରେ। ପଦ।

ତୋ ବିନା ପ୍ରତିକାର ଆନ କେ ନାହିଁ ମୋର ।
ବିବେକ-ରତନ ମୋ ହଜିଲା ରେ । ୧ ।

କଢ଼ା ମୋତେ ସରଣି ଆରେ ପ୍ରାଣମିତଣି।
ନୋହିଲେ ଜୀବନ ବରଜିଲା ରେ । ୨ ।

ଦେଖି ବ୍ରଜେନ୍ଦୁ ମୁଖ ଲିଭାଇବି ରେ ଦୁଃଖ।
ସ୍ମରାନଳରେ ତନୁ ଭାଜିଲା ରେ । ୩ ।

ପଳାଇଲାନି ମନ ବେଣୁପତି ଶୋଭନ।
ପୀୟୁଷ ବାରାଧିରେ ମଜ୍ଜିଲା ରେ । ୪ ।

ଚାଲ ଯିବା ଲଳିତା ବୋଲୁ କିର୍ତ୍ତିଦାସୁତା।
ମୁଖ ସୁବର୍ଣ୍ଣାବଜ୍ ବିରାଜିଲା ରେ । ୫ ।

ଏକାନ୍ତ ଶ୍ରୀଲଲିତା ଶ୍ରୀ ବୃଷଭାନୁ ସୁତା ।
ଗୋପାଳକୃଷ୍ଣ ରହି ହେଜଲା ରେ । ୬ ।