ଚାଳନ୍ତି ଶୂନ୍ୟେ ଶବଦ
ଚାଳନ୍ତି ଶୂନ୍ୟେ ଶବଦ ଅନୁମାନ ଚିତ୍ତେ ଭେଦ ।
ଅକଳନା ବାରାନିଧି ନାମ ମହିମା ଅଗାଧ । ଘୋଷା ।
ଗମ୍ୟ ନାହିଁ ଚାରି ଧର୍ମ ଜ୍ୟୋତି ଜ୍ୱାଳା ଊର୍ମଧୂର୍ମ
ବ୍ରହ୍ମା ବିଷ୍ଣୁ ଶିବ ବଣା ଏମନ୍ତ ସେ ଯେଉଁ ପାଦ । ୧।
ଯେ ରାମଚନ୍ଦ୍ର ଅନନ୍ତ କୃଷ୍ଣଚନ୍ଦ୍ର ଜଗନ୍ନାଥ
ଚାରିଯୁଗ ଅବତାରେ ହୋଇ ନ ପାରିଲେ ସିଦ୍ଧ ।୨।
ଋକ୍ ଶାମ ଯଜୁ ଅଥ ହ୍ଳୀଂ ଶ୍ଳୀଂ କ୍ଳୀ ଯୁକ୍ତ
ଦିଗ ଆକାଶରେ ଭ୍ରମି ଲୋଡି ନ ପାଇ ବିଷାଦ ।୩।
ପୃଥ୍ୱୀ ପଞ୍ଚଭୂତ ବାଇ ଜ୍ୟୋତି ତେଜ କଳା ବହି
ଚନ୍ଦ୍ର ସୂର୍ଯ୍ୟ ଉଦେହୋଇ ନ ପାଇଲେ ଆଦ୍ୟଅନ୍ତ ।୪।
ଛପ୍ନା କୋଟି ଜନ୍ତୁ ଜୀବ କରି ନ ପାରିଲେ ଠାବ
ମୁନି ତପସ୍ୟାରେ ବସି ମନରେ ହେଲେ ତବଦ ।୫।
ଅବ୍ୟକତ ବ୍ରହ୍ମ ଯେହି ରୂପ ରଚନାରେ ନାହିଁ
କହେ ଭୀମ ଅରକ୍ଷିତ ଅନାମେ ରହିଲା ଭେଦ ।୬।