ଦିଅ ପରିତ୍ରାଣ ଦାନ ସମ୍ଭାଳ ଶରଣ

ଦିଅ ପରିତ୍ରାଣ ଦାନ ସମ୍ଭାଳ ଶରଣ ଲେଖକ/କବି: ଭୀମ ଭୋଇ
ଦିଅ ପରିତ୍ରାଣ ଦାନ ସମ୍ଭାଳ ଶରଣ

ଦିଅ ପରିତ୍ରାଣ ଦାନ ସମ୍ଭାଳ ଶରଣ
ବିନତି ଘେନ । ଘୋଷା ।

ଭାସି ଯାଉଛନ୍ତି ସୁଜ୍ଞଜନ
ବୀରବଧୂ ବାନା ଥାଉଁ ନୋହୁଛି କାରଣ ।୧।

ସର୍ବେ ହୋଇଲେଣି ରଣଭଣ
ଅନ୍ତର୍ଯ୍ୟାମୀ କର୍ତ୍ତା ବିଜେ କରିଛ ଆପଣ ।୨।

ଅଚେତାରେ ହଜିଲାଣି ଜ୍ଞାନ
ଦିନ ଗଣି ପିଣ୍ଡୁ ଛାଡି ଗଲାଣି ପରାଣ ।୩।

କିବା ଦୁଷ୍ଟ ସନ୍ଥ ଗୁରୁଜନ
ଆୟୁ ଥାଉଁ ଘୋଟିଲାଣି ଅକାଳ ମରଣ ।୪।

ପୋଡି ଯାଉଅଛି ତ୍ରିଭୁବନ
ଜଳ ବୁନ୍ଦେ ସିଞ୍ଚିବାକୁ ଶ୍ରୀଗୁରୁ ଭାଜନ ।୫।

ଭଣେ ଅରକ୍ଷିତ ଭୀମ ହୀନ
ବିକଳରେ ବସୁନ୍ଧରା ହେଉଛି ଉଚ୍ଛନ୍ନ ।୬।