ନିର୍ବେଦେ ରହିଛି ଅଣଅକ୍ଷର ହେ
| ←ସମର୍ପି ଦେଲି ପାଇଲ ସର୍ବ | ନିର୍ବେଦେ ରହିଛି ଅଣଅକ୍ଷର ହେ ଲେଖକ/କବି: ନିର୍ବେଦେ ରହିଛି ଅଣଅକ୍ଷର ହେ |
କେହୁ ଦେଖିଛ କି ବେନି ନେତ୍ରରେ→ |
ନିର୍ବେଦେ ରହିଛି ଅଣଅକ୍ଷର ହେ
ନିର୍ବେଦେ ରହିଛି ଅଣଅକ୍ଷର ହେ,
ଅନାମିକାପଦ ଅଣବିକାର ହେ । ପଦ ।
ଅଶୃତି ଅମୂର୍ତ୍ତି ନାହିଁ ରୂପକାନ୍ତି,
ନିରନ୍ତରେ ଲଭି ସତ୍ୟ ସୁମର ହେ ।୧।
ବେଶ ହୋଇଛନ୍ତି ନାହିଁ ଅଳଙ୍କାର,
ଭୂଷଣ ନ ଥାଇ ଶୋଭା ସୁନ୍ଦର ହେ ।୨।
ରହିଛନ୍ତି ପାଶେ ଭଗତ ବିଶ୍ୱାସେ
ନେଇଆଣି ଲଗୁଛନ୍ତି ସଙ୍ଗର ହେ ।୩।
ଅଲେଖ ଅବଧୂତ ନିର୍ବେଦେ ଗୁପତ,
କେ ଅନ୍ତ କରିବ ବ୍ରହ୍ମସାଗର ହେ ।୪।
ନାହିଁ ହାଇଛାଇ କେ ପାରିବ ଚାହିଁ,
ବିଜେ କରିଛନ୍ତି ଶୂନ୍ୟମନ୍ଦିର ହେ ।୫।
ଭଣେ ଭୀମ ଭୋଇ, ଶ୍ରଣାଗତ ଯାଇ,
ବଚନ ଭାଷିଲେ କେଡ଼େ ମଧୁର ହେ ।୬।