ଓଳି - ଘରର ଓଳିତଳେ ବସିବା ଉଚିତ ନୁହେଁ ।
ଚାଟଶାଳୀରେ ଦୁଇଓଳି ପାଠପଢ଼ା ହେଉଥିଲା ।
କଳ - ରାୟଗଡ଼ା ଜେକେପୁରରେ କାଗଜକଳ ଅଛି ।
ପିଲାଟି କଳରେ କୋଳି ଜାକିଛି ।
ଦୂରରୁ ଝରଣାର କଳଧ୍ୱନି ଶୁଣାଗଲା ।
କଳା - କନକ ଆଖିରେ କଳା ଲଗାଇଛି ।
ମାଙ୍କଡ଼ ମୁହଁ କଳା ।
ନିଜ ଦେଶର ପ୍ରାଚୀନ କଳାକୁ ରକ୍ଷା କରିବା ଉଚିତ ।
ଝିଅଟି ଚନ୍ଦ୍ରକଳା ପରି ବଢ଼ିଲା ।
କାତି - ମାଛ ଦେହରେ କାତି ଥାଏ ।
ଗୁଆକାତିରେ ଭଲ ଧାର ନାହିଁ ।
କାଳ - ବସନ୍ତକାଳ ସମସ୍ତଙ୍କପାଇଁ ସୁଖକର ।
ଆହା ! ଅଳ୍ପ ବୟସରେ ତାଙ୍କର କାଳ ହୋଇଗଲା ।
ଘଡ଼ି - ପୂର୍ବେ ସୂର୍ଯ୍ୟଘଡ଼ିରୁ ସମୟ ଜାଣୁଥିଲେ ।
ଘଡ଼ିରେ ଘିଅ ରଖିିଦିଅ ।
ଆଜି ଦୁଇ ଘଡ଼ି ଅନ୍ଧାର ପରେ ଚନ୍ଦ୍ର ଉଇଁବ ।
ତାଳ - ଗଛରୁ ପାଚିଲା ତାଳ ପଡ଼ିଲା ।
ଠିକ୍ ତାଳରେ ଗୀତ ନଗାଇଲେ ଅଡ଼ୁଆ ଶୁଣାଯାଏ ।
ଦଳ - ପୋଖରୀରେ ବହୁତ ଦଳ ଅଛି ।
ଗାଆଁର ଲୋକମାନେ ଦୁଇ ଦଳ ହୋଇଛନ୍ତି ।
ଧାର - ଖରାଦିନେ କେତେକ ନଦୀର ଧାର ଶୁଖିଯାଏ ।
କଟୁରିରେ ଭଲ ଧାର ନାହିଁ ।
ସଡ଼କ ଧାରରେ ଆଗେ ବହୁତ ଗଛ ଥିଲା ।
ଆମ ଓଡ଼ିଆ ବ୍ୟାକରଣ ■ ୧୩