ଏହି ପୃଷ୍ଠାଟି ସଂଶୋଧିତ ହୋଇନାହିଁ
ହେଲା, ଦଶମାସ ଦଶଦିନ ସମ୍ପୂର୍ଣ୍ଣ ହେଲା । ପେଟ ବଥାଇଲା, ସେଦିନ ଆଶ୍ୱିନ ମାସ ପୋଲରୀ ଅମାବାସ୍ୟା ହୋଇଛି । ସାଧବଘର ସାନବୋହୂ ଶାଶୁକୁ କହିଲା, ମୋହର ପେଟ ବ୍ୟଥା କରୁଛି । ଶାଶୁ କହିଲା ଆଲୋ ପିଲାଖାଇ ଡାହାଣୀ ମୋ ଘରୁ ବାହାରିଯା । ମୁଁ ଠାକୁରାଣୀ ପୂଜାକରି ବସିଛି । ମୋ ଅମୁଣିଆ ଅପ୍ରତିଷ୍ଠା ହେବ । ଏହ କହି ଶାଶୁ ଘରୁ ବାହାର କରିଦେଲା । ମେଘ ଅନ୍ଧାର ହୋଇଛି, ପାଣି ବରଷୁଅଛି । କୁଆଡ଼େ ଯିବ ବୋଲୁଅଛି । କାନ୍ଦି କାନ୍ଦି ବନସ୍ତକୁ ଗଲା । ବଜ୍ର ମହାକାଳୀଙ୍କ ଦୟା ବସିଲା । ବୁଢ଼ୀ ରୂପରେ ଠିଆ ହୋଇ ପଚାରିଲେ, କିଏ ସେ ତୁ ଏତେ ରାତ୍ରିରେ କୁଆଡ଼େ ଯାଉଛୁ । ମେଘ ବରଷୁଅଛି । ଏହାଶୂଣି ସାଧବଘର ବୋହୂ କହିଲା, ମୁଁ କହିଲେ କିଏ ସେ ମୋର ଦୁଃଖ ଫେଡ଼ିବ ଯେ ତେବେ କହିବି । ବଜ୍ର ମହାକାଳୀ ବୋଇଲେ ଆଚ୍ଛା ଫେଡ଼ିବି କହ । ସାଧବବୋହୂ କହିଲା, ମୁଁ ସାଧବଘର ସାନବୋହୂ, ମୋ ଶାଶୁ ପୋଲରୀ ଅମାବାସ୍ୟା କରୁଥାଏ । ଆରଦ୍ରା କରିବାକୁ ଚାଉଳ ଦେଲେ
