ଏହି ପୃଷ୍ଠାଟି ବୈଧ ହୋଇସାରିଛି
ଦୁଃଖ ନାଶନ ଗରୁଡ଼ାସନ ହରି
ଦୁଃଖ ଜଣାଇବି କାହାକୁ ।
ଦୀନନାଥ ଥାଉଁ ଅନ୍ଧାର ଘୋଟୁଛି
ଏ ନିନ୍ଦା ହୋଇବ କାହାକୁ ।ପଦ।
ଚିନ୍ତାନାବ ପରେ ବସାଇ କରି,
ପେଲିଦେଲ ବୁଡ଼ିଯାଉଛି ମରି ।
କାହାକୁ ଡ଼ାକିବି ରଖ ରଖ ବୋଲି
ଲଜ୍ଜାହେବ ଲକ୍ଷ୍ମୀ ନାହାଙ୍କୁ ।୧।
ସୁଦାମା ଦାରିଦ୍ର୍ୟ ଭଞ୍ଜନ କରି,
ରଖିଛ ପାଣ୍ତବେ କୁରୁ ସଂହାରି ।
ସମୁଦ୍ର ଜଳରେ ଗଜକୁ ରଖିଲ
ଛେଦିପକାଇଲ ଗ୍ରାହକୁ ।୨।
ଅଜାମିଳ ନାମେ ସେ ମହାପାପୀ
ତରିଗଲା ପୁତ୍ର ନାମକୁ ଜପି,
ନାତେକ ମାଇଲା ଶ୍ରୀବତ୍ସ ବ୍ରାହ୍ମଣ
ହୃଦେ ବହିଅଛ ତାହାକୁ ।୩।
-୧୨-
