ବିଚାରି କରିଛି ଲୟେ
Jump to navigation
Jump to search
ବିଚାରି କରିଛି ଲୟେ,
ଚାରିଯୁଗେ ନାମବ୍ରହ୍ମ ଅଟେ ଅନନ୍ତ ଅକ୍ଷୟେ । ଘୋଷା।
ସର୍ବଠାରୁ ସାରବ୍ରହ୍ମ ନିଷ୍କାମ ଭକତି ଧର୍ମ
ଅକଳ୍ପଣା ଅଣାକାର ଅଣସାଧନେ ଉଦୟେ ।୧।
ଆଜ୍ଞା ନୁହେଁ କାଳିବାସୀ ମର୍ତ୍ତ୍ୟରେ ଉଦୟ ଆସି
ଥିଲେ ପୂର୍ବର ବାସନା ନିଶ୍ଚେ ଲଭିବ ସ୍ୱଦେହେ ।୨।
ସତ୍ୟ ଯେବେ ସଦଗୁରୁ ଦୂବ କରି ପାର ଦାରୁ
ସିଦ୍ଧ ବଚନ ଆଜ୍ଞାରୁ କାହାକୁ ମୋ ନାହିଁ ଭୟେ ।୩।
ଏହି ପ୍ରଭୁଠାରୁ ଆଉ ନ ଦିଶନ୍ତି ମହାବାହୁ
ତ୍ରିଭୁବନେ ଲୋଡି ଦେଖ ବଡ ହୋଇନାହିଁ କିଏ ।୪।
ଉଡେ ଅବଧୂତ ବାନା ଭକତଙ୍କ ବଜ୍ର ସେହ୍ନା
ନିର୍ବେଦ ଦୀକ୍ଷା ଧାରଣା ତିନିପୁରେ ଜୟେ ଜୟେ ।୫।
ଦିଅ କଲ୍ୟାଣ ଆୟୁଷ ଯାଉ କାଳ ମୃତ୍ୟୁଦୋଷ
ବୋଲେ ଭୀମ ଅରକ୍ଷିତ ପିଣ୍ଡୁ ପ୍ରାଣ ନୋହୁ କ୍ଷୟେ ।୬।