ରଖ ନବଖଣ୍ଡ ମହୀ ଅନାଦି ଅଲେଖ

ଉଇକିପାଠାଗାର ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ରଖ ନବଖଣ୍ଡ ମହୀ ଅନାଦି ଅଲେଖ
ଲେଖକ/କବି: ଭୀମ ଭୋଇ

ରଖ ନବଖଣ୍ଡ ମହୀ ଅନାଦି ଅଲେଖ
ତିନି ତ୍ରୈଲୋକ୍ୟ । ଘୋଷା ।

ରକ୍ଷାକର ସ୍ୱାମୀ ନରଲୋକ
କିବା ଯୁବା ବୃଦ୍ଧ ସ୍ତିରୀ ପୁରୁଷ ବାଳକ ।୧।

କୀଟ ପତଙ୍ଗାଦି ଜଳପୋକ
ଯା’କୁ ଯେଉଁ ରୂପେ କର କାରଣ ବିବେକ ।୨।

ତୃଣାଦି ସ୍ଥାବର ତରୁ ବୃକ୍ଷ
ଶରଣ ସମ୍ଭାଳି ରଖ ଏ ଜନ୍ତୁ ଜୀବକ ।୩।

ଛେଦ ଘୋର କଳିକାଳ ପାପ
ବ୍ରହ୍ମା ବିଷ୍ଣୁ ଶିବ ଦଶଦିଗପାଳ ରଖ ।୪।

ନାମେ ସକଳଙ୍କୁ କର ମୋକ୍ଷ
ଦୟା ଚନ୍ଦ୍ର ସୂର୍ଯ୍ୟ ନବ ଲକ୍ଷ ନକ୍ଷତ୍ରକ ।୫।

ଭଣେ ଅରକ୍ଷିତ ଭୀମ ମୁର୍ଖ
ତଉଦ ବ୍ରହ୍ଣାଣ୍ଡ ଧରି ଏକ୍ୱୈଶ ପୁରକ ।୬।