ସହଯୋଗ:ଚାଟସଭା

ଉଇକିପାଠାଗାରରେ କିଛି ବହି ଡିଜିଟାଇଜ କରିବା ଆଗରୁ କିଛି ଜାଣିବା କଥା ତଳେ ପଢ଼ିନିଅନ୍ତୁ । ଏହା ଆପଣଙ୍କୁ ବହି ଡିଜିଟାଇଜ କରିବାରେ ସାହାଯ୍ୟ କରିବ ।

ଓଡ଼ିଆ ଉଇକିପାଠାଗାର ଇଣ୍ଟରନେଟରେ ଉପଲବ୍ଧ ଏକ ପାଠାଗାର। ଏଥିରେ ବିଭିନ୍ନ ବିଷୟର ବହିମାନ ଏକ ଖୋଲା ଲାଇସେନ୍ସରେ ଉପଲବ୍ଧ । ଅନେକ ବହି ଟାଇପ ହୋଇ ଉପଲବ୍ଧ ନ ଥିବାରୁ ଏଠାରେ ବହିସବୁ ଟାଇପ କରାଯାଏ । ବହିଟିଏ ଟାଇପ ହୋଇ ରହିଲେ ତାହାର ବିଷୟବସ୍ତୁ ଗୁଗୁଲ, ୟାହୁ ଆଦି ଜରିଆରେ ଖୋଜିହେବ ଏବଂ ଲେଖାମାନ ପୁନର୍ବ୍ୟବହାର କରିହେବ। ଆପଣ ମଧ୍ୟ ଆଗରୁ ସ୍କାନ ହୋଇ ରହିଥିବା ବହି କିମ୍ବା କପିରାଇଟ ନଥିବା ବହିଟିଏ ଟାଇପ କରିପାରିବେ ।

ପ୍ରଥମେ "ଖାତାଟିଏ ଖୋଲନ୍ତୁ"ରେ କ୍ଲିକ କରି ନୂଆ ଖାତା (ଏକାଉଣ୍ଟ)ଟିଏ ଖୋଲନ୍ତୁ । ଆଗରୁ ଖାତାଟିଏ ଖୋଲିଥିଲେ "ଲଗ-ଇନ" କରନ୍ତୁ ।

ଓଡ଼ିଆରେ ଟାଇପ କିପରି କରିବେ?

ସ୍କାନ ହୋଇଥିବା ବହିଟିଏ କିପରି ଟାଇପ କରିବେ?'

ପ୍ରଧାନ ପୃଷ୍ଠାରେ ଥିବା ତାଲିକାରୁ ବହିଟିଏ ବାଛି ତା' ଉପରେ କ୍ଲିକ କରନ୍ତୁ
ବହିର ସୂଚୀ ପୃଷ୍ଠାଟି ଖୋଲିବ । ଫାଙ୍କା ପୃଷ୍ଠା ସଂଖ୍ୟା ନାଲି ରଙ୍ଗରେ ଚିହ୍ନିତ ହୋଇଥିବା
ପୃଷ୍ଠା ସଂଖ୍ୟା ଉପରେ କ୍ଲିକ କରନ୍ତୁ ।
ଡାହାଣ ପଟେ ଯାହା ଦେଖିବେ ବାମ ପଟେ ତାହା ଓଡ଼ିଆରେ ଟାଇପ କରନ୍ତୁ
ଟାଇପ କରି ତଳକୁ ସ୍କ୍ରୋଲ କରନ୍ତୁ
[ସାଇତିବେ] ଉପରେ କ୍ଲିକ କରି ପୃଷ୍ଠାଟି ସାଇତନ୍ତୁ ।
ଉପରେଥିବା > ଉପରେ କ୍ଲିକ କରି ପର ପୃଷ୍ଠାକୁ ଯାଆନ୍ତୁ

ବହିଟିଏ କପିରାଇଟରେ ଅଛି କି ନାଁ କିପରି ଜାଣିବି?

ଲେଖକଙ୍କ ଦେହାନ୍ତର ୬୦ ବର୍ଷ ପରେ ବହିଟିରୁ ଆପେ ଆପେ କପିରାଇଟ ହଟିଯାଏ ।
କପିରାଇଟ ହଟିଯାଇଥିବା ବହିଟିଏ ଆଉଥରେ ପ୍ରକାଶିତ ହେଲେ ମୂଳ ବହିର ଲେଖାତକ ଉପରେ କପିରାଇଟ ଲାଗୁ ହେବ ନାହିଁ । କେବଳ ନୂଆ ବହିରେ ଯୋଡ଼ାହୋଇଥିବା ଅଧିକ ବିଷୟବସ୍ତୁରେ କପିରାଇଟ ଲାଗୁହେବ ।
ଖାଦ୍ୟ ରନ୍ଧା, ଔଷଧ ତିଆରି ଓ ନାନାଦି ପଦାର୍ଥ ତିଆରି ପ୍ରଣାଳୀ ଉପରେ କପିରାଇଟ ଲାଗୁ ହୁଏ ନାହିଁ । ତେବେ ବହିଟିଏ ପ୍ରକାଶିତ ହେଲେ ତାହାର ବିଷୟବସ୍ତୁର ଲିଖନଶୈଳୀରେ କପିରାଇଟ ରହେ ।
ଲୋକକାହାଣୀ ଓ ପୁରାତନ ଲୋକକବିତାରେ କପିରାଇଟ ନଥାଏ, ତେବେ ନୂଆ ବହିଟିଏ ପ୍ରକାଶିତ ହେଲେ ତାହାର ଉପସ୍ଥାପନା ଶୈଳୀରେ କପିରାଇଟ ଥାଏ । ଲିଖନଶୈଳୀ ସମ୍ପୂର୍ଣ୍ଣ ବଦଳାଇ ଲେଖିଲେ କପିରାଇଟ ଉଲ୍ଲଙ୍ଘନ ହୁଏନାହିଁ ।

ସହଯୋଗ:ଚାଟସଭା/ଉପରପଟି ୨