ଆହେ ଦୟାମୟ ବିଶ୍ୱବିହାରୀ
ଆହେ ଦୟାମୟ ବିଶ୍ୱବିହାରୀ
ଆହେ ଦୟାମୟ ବିଶ୍ୱବିହାରୀ
ଘେନ ଦୟା ବହି ମୋର ଗୁହାରୀ । ୧।
ଜଳ ସ୍ଥଳ ବନ ଗିରି ଆକାଶ
ତୁମ ଲୀଳା ସବୁଠାରେ ପ୍ରକାଶ । ୨।
ତୁମ ଚରଣରେ ମୋର ଭକତି
ଦିଅ ବିପଦେ ସାହସ ଶକତି । ୩।
ମୋର କାମକୁ କରାଅ ସରସ
ମୋର ମୁଖେ ଦିଅ ଚିର ହରସ । ୪।
ମୋତେ ଖଳ ଅଳସୁଆ ନିକଟେ
ନିଅ ନାହିଁ ସୁଖେ ଅବା ସଙ୍କଟେ । ୫।
ଦୁଃଖି ଅରକ୍ଷିତ ସେବା କାରଣେ
ଦିଅ ବଳ ମୋର କର ଚରଣେ । ୬।
ସତ କହିବାକୁ କିଆଁ ଡରିବି
ସତ କହି ପଛେ ମଲେ ମରିବି । ୭।
ମୋତେ ଏତିକି ଶିଖାଅ ସାଇଁ ହେ
ମୋର ଧନ ଜନ ଲୋଡା ନାହିଁ ହେ । ୮।