ଜୟ ଜଗନ୍ନାଥ ହେ ଯଶୋଦା କୁମର
| ←ଜଗନ୍ନାଥ ହୋ କିଛି ମାଗୁନାହିଁ ତୋତେ | ଲେଖକ/କବି: ଜୟ ଜଗନ୍ନାଥ ହେ ଯଶୋଦା କୁମର |
ଦୀନବନ୍ଧୁ ଦଇତାରୀ→ |
ଜୟ ଜଗନ୍ନାଥ ହେ ଯଶୋଦା କୁମର
ଜୟ ଜଗନ୍ନାଥ ହେ ଯଶୋଦା କୁମର ।
ଶ୍ରୀମତି ଚିତ୍ତ-ଚାତକ ନୂତନ ଜଳଧର ।।
ଶିରେ ଶିଖିପୁଚ୍ଛ ଚୂଡା ଗୁଚ୍ଛ କିଆପତ୍ର ବେଢା
ସତୀଙ୍କ ବରତ ଛଡା ମୂରଲୀ ନଟବର ।
ନିତ୍ୟ ସତ୍ୟ ପୂର୍ଣ୍ଣାନନ୍ଦ ଗୋକୁଳ ରକ୍ଷଗୋବିନ୍ଦ
ପାଦ ଅରବିନ୍ଦେ ଭକ୍ତ ଭ୍ରମର ନିକର ।
ଶେଷ ଯା ମହିମା ଲେଶ ନ କରି ପାରନ୍ତି ଶେଷ
ଯା ନାମ ଜପି ମହେଶ ମୃତ୍ୟୁକୁ କଲେ ଦୂର ।
ଲବଣ ଜଳଧି ତଟ ନୀଳାଦ୍ରୀ ନାମ ପ୍ରକଟ
କଳପ ବଟ ମୂଳେ କି ଲାଗିବ ନାବ ମୋର ।
କହେ ବନମାଳୀ ଦାସ ଶ୍ରୀଗୁରୁ ଚରଣେ ଆଶ
ସତେ କ୍ଷେତ୍ରବାସେ ଶେଷ ଜୀବନ ଯିବ ମୋର ।