ଏହି ପୃଷ୍ଠାଟି ବୈଧ ହୋଇସାରିଛି
ସବୁ କିଛି ଅସ୍ପଷ୍ଟ ଓ ଅନିଶ୍ଚିତ
ଇତସ୍ତତଃ ଜୀବନର ସନ୍ଦିଗ୍ଧ ସନ୍ଧ୍ୟାରେ
ପ୍ରେମପତ୍ର କାହା ପାଇଁ
ଚିଠିରେ ଏ ଠିକଣା କାହାର
ଏ ସବୁ ନିଶ୍ଚିତ ଭାବେ ବୁଦ୍ଧିଜୀବୀମାନଙ୍କର ଖେଳ
ମଲା ଲୋକମାନଙ୍କର ଆତ୍ମପ୍ରବଞ୍ଚନା
ଆତ୍ମା ସବୁ ପ୍ରତ୍ୟାହୃତ
ନିରୁଦ୍ଦିଷ୍ଟ ଦିନ ଏବଂ ନିର୍ବାସିତ ମୁହୂର୍ତ୍ତ ସବୁରେ
ଦୁଇଟି ବଢ଼ିଲା ହାତ ରହିଯାଏ ଅଧା ପାହାନ୍ତାରେ
ପ୍ରେତାତ୍ମାଙ୍କ ସମବେତ କଣ୍ଠସ୍ୱର
ଭରିଦିଏ ଶୁନ୍ୟତାର ଖାଲି ଜାଗା ସବୁ
ଏଠାରେ ଡାକିବ କିଏ
କିଏ ତାର ଉତ୍ତର ବା ଦେବ
| ୫୬ | ପ୍ରଥମ ପୁରୁଷ |
