ଡାମରା କାଉରେ ଡାମରା କାଉ

ଡାମରା କାଉରେ ଡାମରା କାଉ

ଡାମରା କାଉରେ ଡାମରା କାଉ
ଉଚ୍ଚ ପରବତେ ବୋବାଉଥାଉ

ଉଚ୍ଚ ପରବତ ଘୁଞ୍ଚିଘୁଞ୍ଚିକା
ତହିଁରେ ବସିଛି ତିନି ମଞ୍ଜିକା

ତିନି ତିନି ପଣ ଅଠର ପଣ
ଭାଇଙ୍କୁ ଡକାଇ କଉଡ଼ି ଗଣ

କଉଡ଼ି ଗଣାରେ ପାହିଲା ରାତି
ଚୋର ନେଇଗଲା କଜଳ ପାତି

ଆସଲୋ ସଙ୍ଗାତ ଗାଧୋଇଯିବା
କଇଁଚି କାକୁଡ଼ି ତୋଳି ଆଣିବା

କଇଁଚି କାକୁଡ଼ି ମୁଣ୍ଡିଟି ପିତା
ଛଅ ଭାଇଙ୍କର ଛଅ ଦୁହିତା

ମଝିଆଁ ଭାଇର ଅଲଣା ଜାଉ
ତାହା ଖାଇଗଲା ଓଲେଇ ବୋହୁ

ଓଲେଇ ଯାଇଛି ବାପ ଘରକୁ
ଯାହା ଆଣିଥିବ ମୋ ଘରକୁ

ମୋ ଘରଟା ଠୋଲା ପୋଲା
ଷାଠିଏ ଟଙ୍କାର ବଳଦ ମଲା
ଭାତ ପେଜ ହୋଇ ଦିହାଣ୍ଡି ଗଲା

ଆଉରି ହାଣ୍ଡିଏ ଯାଇଥାଆନ୍ତା
ତେବେ ସେ ବଳଦ ଜିଇଁ ଥାଆନ୍ତା
ଜିଇଁ ଥାଆନ୍ତା ଲୋ ଜିଇଁ ଥାଆନ୍ତା