ତ୍ରିଲୋଚନ ବେହେରା ପାଟକୁରା ନିର୍ବାଚନ ମଣ୍ଡଳୀରୁ ନିର୍ବାଚିତ ହେଲେ । ମାତ୍ର ସେ ବିଧାନସଭା ସଭ୍ୟପଦରୁ ଇସ୍ତଫା ନଦେଇ ବି.ଜେ.ଡ଼ି ସହିତ ସାମିଲ ହୋଇଗଲେ । ବିଜୟବାବୁ ଦିଗହରା ହୋଇପଡିଲେ । ଗଠନ କଲେ ଏକ ନୂତନ ରାଜନୈତିକ ଦଳ 'ଓଡ଼ିଶା ଗଣ ପରିଷଦ' । ମାତ୍ର ଏଥିରେ ସଫଳତା ହାସଲ କରିପାରିଲେ ନାହିଁ । ସେହିଦିନଠାରୁ ଏ ଯାବତ୍ ସେ ଆଉ ନିର୍ବାଚିତ ହୋଇ ବିଧାନସଭାକୁ ଆସିପାରି ନାହାନ୍ତି । ବିଜେପିରେ ରହି ନିଜର ଭବିତବ୍ୟ ଖୋଜୁଛନ୍ତି ।
ଦ୍ୱାଦଶ ବିଧାନସଭା ୨୦୦୦ ମସିହା ବାଚସ୍ପତି ଶରତ କୁମାର କର ଫେବ୍ରୁୟାରି ୨୯ ତାରିଖରେ ଗଠିତ ହେଲା । ବୟୋଜ୍ୟେଷ୍ଠ ସଦସ୍ୟ କଂଗ୍ରେସର ନବରଙ୍ଗପୁର ବିଧାୟକ ଜନାବ୍ ହବିବୁଲ୍ଲା ଖାଁ ଅସ୍ଥାୟୀ ବାଚସ୍ପତି ଭାବରେ ମାର୍ଚ୍ଚ ୬ତାରିଖରେ ନିଯୁକ୍ତ ହୋଇ ମାର୍ଚ୍ଚ ୭ ଓ ୮ ଦୁଇଦିନ ଧରି ବିଧାୟକମାନଙ୍କୁ ଶପଥ ପାଠ କରାଇଲେ । ଏହାପରେ ବିଧିବଦ୍ଧ ଭାବରେ ସର୍ବସମ୍ମତିକ୍ରମେ ମାର୍ଚ୍ଚ ୧୦ତାରିଖରେ ଶରତ କୁମାର କର ଓ ମାର୍ଚ୍ଚ ୨୭ ତାରିଖରେ ରାମଚନ୍ଦ୍ର ପଣ୍ଡା ଯଥାକ୍ରମେ ବାଚସ୍ପତି ଓ ଉପବାଚସ୍ପତି ନିର୍ବାଚିତ ହେଲେ ।
ଭାରତୀୟ ଜାତୀୟ କଂଗ୍ରେସ ଦଳର ରଣପୁର ବିଧାୟକ ରମାକାନ୍ତ ମିଶ୍ର କଂଗ୍ରେସ ବିଧାୟକ ଦଳର ନେତା ନିର୍ବାଚିତ ହୋଇ ମାର୍ଚ୍ଚ ୨୧ ତାରିଖଠାରୁ ବିରୋଧିଦଳର ନେତା ଭାବରେ ସ୍ୱୀକୃତି ଲାଭକଲେ ।
ଦ୍ୱାଦଶ ବିଧାନସଭାର ସଦସ୍ୟ (୨୦୦୦):
| କରଂଜିଆ | ପଦ୍ମ ଚରଣ ହାଇବୁରୁ | ସ୍ୱାଧୀନ |
| ଯଶୀପୁର | ଭାନୁ ଚରଣ ନାୟକ | ବିଜେପି |
| ବହଲଦା | ଲକ୍ଷ୍ମଣ ସୋରେନ | ବିଜେପି |
| ରାଇରଙ୍ଗପୁର | ଦ୍ରୌପଦୀ ମୁର୍ମୁ | ବିଜେପି |
| ବାଙ୍ଗିରୀପୋଷି | ପୁରୁଷୋତ୍ତମ ନାୟକ | ସ୍ୱାଧୀନ |
| କୁଳିଅଣା | ସୁଦାମ ମାରାଣ୍ଡି | ଜେଏମ୍ଏମ୍ |
| ବାରିପଦା | କିଶୋର ଦାସ | ଜେଏମ୍ଏମ୍ |
ଓଡ଼ିଶା ରାଜନୀତିର ଇତିହାସ . ୨୯୧
