ଅର୍ଘ୍ୟଥାଳୀ/ପ୍ରେତର ଅନୁତାପ
ପ୍ରେତର ଅନୁତାପ
ଲେଖକ/କବି: ଗଙ୍ଗାଧର ମେହେର
ପ୍ରେତ ବୋଲେ ମୋର ନାମେ ମୋ’ ପଲ୍ୟଙ୍କ
ନେଲେ କୁଳପୁରୋହିତ,
ମୋ’ ନାମରେ ଧନ ନେଇ ଖାଇ ତହିଁ
ନିଶ୍ଚିନ୍ତ ହେଲେ ନିଦ୍ରିତ ।
ମୋ’ ପାଠ୍ୟ ପୁସ୍ତକ ନେଇ ନ ପଢ଼ିଲେ
ପ୍ରକଟ ନ କଲେ ନାମ,
ମୋହ ନାମେ ଦୀନେ ଦାନ କଲେ ନାହିଁ
ନେଇ ମୋର ଭୂମି ଗ୍ରାମ ।
ବଢ଼ିଲା ତାଙ୍କର ପରିବାର ମୋର
ଦ୍ରବ୍ୟେ ଲଗାଇଲେ ବାଦ,
ମୋ’ ପୁତ୍ରକୁ ପୁଣି ଭଣ୍ଡିଲେ ସତତ
ଦେଇ ପଣ୍ଡ ଆଶୀର୍ବାଦ ।
ମାନସେ ତାହାଙ୍କ ରହିଲା ମୋ’ ପୁତ୍ର
ପଲ୍ୟଙ୍କ ଧନରେ ଲୋଭ,
ଶୀଘ୍ର ହସ୍ତଗତ ହେଉ ନାହିଁ ବୋଲି
କରୁଛନ୍ତି କେତେ କ୍ଷୋଭ ।
ମୋର ପିତା ମୁହିଁ ସେହିପରି ଦେଇ
ପଡ଼ିଲୁ ନିଜେ ସେ ପାଶେ,
ସେ ଆଦରଶ ଥୋଇଆସିଲି ହା
ମୋହରି ପୁତ୍ର ସକାଶେ ।
ମୋହ ଧନ ଖାଇ ପୁରୋହିତ ଯେତେ
କରୁଛନ୍ତି ଅପକର୍ମ’
ସେହି କର୍ମଦୋଷ- ଭାଗୀ କରି ମୋତେ
ଦଣ୍ଡୁଅଛି ଏଣେ ଯ
•••