"କ" - କଳାବତୀ ରେ
| ପ୍ରେମୋଦୟ ଚମ୍ପୂ ଲେଖକ/କବି: କଳାବତୀ ରେ |
"ଖ" - ଖଞ୍ଜନ ଗଞ୍ଜନାକ୍ଷୀ ଆହା ରେ→ |
କଳାବତୀ ରେ
(ରାଗ: ପୂରବୀ : ଆଠତାଳି)
କଳାବତୀ ରେ, କହ ମୋଠାରୁ ତେଜି କପଟରୀତି। ଘୋଷା।
କିପାଁ ଆଜ ଆଜନମ, ସୁଖୀ କଳାକର ମୁଖ ଅଛି ଶୁଖି
କମନୀୟ ବିମ୍ବ-ବିଜୟୀ ଅଧରେ
ମୃଗମଦେ ଭୃଙ୍ଗ ନାହିଁ ଲେଖି । ୧ ।
କୋକନଦଜିଣା ଚାରୁକର, କିଶଳୟ ଗେଣ୍ଡ ମଣ୍ଡିବାର
କେଉଁକାଳେ ହେଲେ ଦେଖି ତ ନ ଥିଲା
ପରାଣ ସଖି, ନୟନ ମୋର । ୨ ।
କଞ୍ଜଲତା ମନ୍ଦ ବାତ ପରି, କମ୍ପୁଛି ତୋ’ତନୁ ସୁକୁମାରୀ
କିସ ଏ ବେଦନା ତୁ ରାଜନନ୍ଦନା
ଲଭି ମଜ୍ଜିଅଛୁ ଶୋକବାରି । ୩ ।
କନକକୁ ବଳିଥିବା ତେଜ, କଳା କିପାଁ ପଡ଼ିଗଲା ଆଜ
କହଇ ଶ୍ରୀ ଜଗଦ୍ଦେବ ଦୁଃଖେ ପୋତି ଅଛୁ
କିପାଁ ମୁଖ-ଦ୍ବିଜରାଜ । ୪ ।