ଅରୁଣାମ୍ବୁଜ ଚରଣା
ଅରୁଣାମ୍ବୁଜ ଚରଣା
(ରାଗ ପିଲୁ, ଏକତାଳି)
ଅରୁଣାମ୍ବୁଜ ଚରଣା, ତୁ ରସାରେ ଭରସାରେ
କରୁଣାନିଧି ଶରଣାଗତଠାରେ କି ରୁଷାରେ ॥ପଦ॥
ଅସିତ କେଶି ମୁଁ ତୋ ପରିଚାର
ରୁଷିକି ନ କରି କିଛି ବିଚାର
ସ୍ୱଗୁଣ ସରିତ ପତି ତୋ ପରିତ ନାହିଁ ସରସାରେ ॥୧॥
ନ ରହି ସୁଦନ୍ତି ବଦନ ପୋତି
କଳପ ଅଳପ ହସନ ମୋତି
ମୃଦୁଳ-ସରସ-ରସ ହୃଦୟା ତୁ ହୋ ନା ପରୁଷାରେ ॥୨॥
ନନେ ଉନ୍ମାଦ ଧୃତିକି ଛାଣି
ଗରଳ ଗିଳିବଟି ପିକବାଣି
ତରକି ହୃଦୟ କର କିଶଳୟ ଗଣ୍ଡେ ତ ରସାରେ ॥୩॥
ନକର ମୁକୁରମୁଖୀ ନିରାଶ
ବିଷମ ବଡ଼ କୁସୁମ ଶରାସ
ସହଜରେ ମିତ ବଚନ ଅମୃତ ଧାରା ବରଷାରେ ॥୪॥
ଅତିରତି ପରି ଚିନ୍ତି ସୁଧୀର
ନୀତି ପୁଣି ମୁରମଥ ନ ଗୀର
ଅଷ୍ଟଦୁର୍ଗ ପତି କହେ ସ୍ମିତବତୀ ହେଲେ ତରସାରେ ॥୫॥