ଏହି ପୃଷ୍ଠାଟି ବୈଧ ହୋଇସାରିଛି
ଶୁଣି ସେହି ଭୂମିରେ ମୋହଗଲେ ।୩୫।
ସବୁଠାରେ ବାଜିଲା (ସେ) ୧୭ ଚହଳ,
ରତିଚୋରକୁ ୧୮ ଧଈଲା କଟୁଆଳ ।୩୬।
ଇଚ୍ଛାବତୀର ପ୍ରାଣ ଛାଡ଼ିଗଲା,
ଚୋର ଦୋସାଧୁ ଘରେ ବନ୍ଦିହେଲା । ୩୭।
ୟେଥି ଉତ୍ତାରୁ ରଜନୀ ପାହିଲା,
ଦୋସାଧୁହିଂ ନିତ୍ୟକର୍ମ ସାରିଲା ।୩୮।
ରାଜା ଆସ୍ତାନେ କରି ୧୯ ବସିଛନ୍ତି,
ଯାଇଣ ଦୂତ ଛାମୁରେ ଜଣାନ୍ତି ।୩୯।
ଦେବ ଶୁଣିମା ହେଉ ସାବଧାନ ୨୦,
ଦୋସାଧୁ ଆସୁଅଛି ୨୧ ଚୋର ପୁଣ ।୪୦।
ରାଜା ବୋଲେ ବେଗେ ଆସି ୨୨ ଛାମୁକୁ,
ନଗ୍ରଲୋକେ ବେଢ଼ିଛନ୍ତି ତାହାକୁ ।୪୧।
ୟେହା କହନ୍ତି ନୃପତି ଛାମୁର,
ନଗ୍ର ଦୋସାଧୁ ଆଣୁଅଛି ଚୋର ।୪୨।
୧୭। 'ସେ' ଅକ୍ଷରତି ପୋଥିରେ ନାହିଁ ।
୧୮। 'ରତିଚୋରେ' ହୋଇଥିଲେ ଛନ୍ଦଭଙ୍ଗ ହୁଅନ୍ତା ନାହିଁ ।
୧୯। 'ରାଜା ଆସ୍ଥାନେ ବିଜେ କରିଛନ୍ତି' ହେଲେ ସୁନ୍ଦର ହେବ ।
୨୦ । ସାବଧାନେ (ପୋଥିପାଠ)
୨୧। ଆସୁଅଛି ସ୍ଥାନରେ 'ଆଣୁଅଛି' ହେଲେ ଅର୍ଥ ସୁସ୍ପଷ୍ଟ ହେବ ।
୨୨। 'ଆସ' ପରିବର୍ତ୍ତେ 'ଆଣ' ହେବା ଅଧିକ ଯୁକ୍ତିଯୁକ୍ତ ।
