ଭଜନ ମାଳା/ଜୀବନରେ ଥିବି ଯେବେ ଯିବି ବୃନ୍ଦାବନ

ଉଇକିପାଠାଗାର ରୁ
Jump to navigation Jump to search
ଭଜନ ମାଳା ଲେଖକ/କବି: ସାଲବେଗ
ଜୀବନରେ ଥିବି ଯେବେ ଯିବି ବୃନ୍ଦାବନ

ଜୀବନରେ ଥିବି ଯେବେ ଯିବି ବୃନ୍ଦାବନ

ଜୀବନରେ ଥିବି ଯେବେ ଯିବି ବୃନ୍ଦାବନ
ଦର୍ଶନ କରିବି ଯାଇ ଶ୍ରୀମଧୁସୂଦନ । ୧ ।

ରାଧାକୁଣ୍ଡେ ଶ୍ୟାମକୁଣ୍ଡେ କରିବି ସ୍ନାହାନ
ପରିକ୍ରମା କରୁଥିବି ଗିରି ଗୋବର୍ଦ୍ଧନ । ୨ ।

ଆନନ୍ଦେ ଯମୁନା ଜଳ କରିବି ମୁଁ ପାନ
ମୁଁ ନିକି(ତି) ଭଣିବି ଯେହୁ ମୁକତି ଭାଜନ । ୩ ।

ରାହାସର ଧୂଳି ଅଙ୍ଗେ କରିବି ଲେପନ
କୁଞ୍ଜେ କୁଞ୍ଜେ ତରୁମୂଳେ କରିବି ଶୟନ । ୪ ।

ରାଧାକୃଷ୍ଣ ବେନି ଭିନ୍ନ ନୋହେ କୁଞ୍ଜବନ
କହେ ସାଲବେଗ ହୀନ ଜାତିରେ ଯବନ । ୫ ।