ଆମ ଓଡ଼ିଆ ବ୍ୟାକରଣ/ଯୁକ୍ତବର୍ଣ୍ଣ ବା ଯୁକ୍ତାକ୍ଷର
| ←ବଡ଼ରୁ ସାନ ସାନ-ଶବ୍ଦ ଅକ୍ଷର ବର୍ଣ୍ଣ | ଆମ ଓଡ଼ିଆ ବ୍ୟାକରଣ (୨୦୧୪) ଲେଖକ/କବି: , translated by ଯନ୍ତ୍ରଣା ଯୁକ୍ତବର୍ଣ୍ଣ ବା ଯୁକ୍ତାକ୍ଷର |
କ୍ରିୟାପଦ→ |
ଭାରତ ଆମର ଜନ୍ମଭୂମି ।
ଆମ ଦେଶରେ ବହୁତ ପର୍ବତମାଳା ଅଛି ।
ପ୍ରଥମ ବାକ୍ୟରେ ଥିବା ‘ନ୍ମ’ଟି ବର୍ଣ୍ଣମାଳାରେ ନାହିଁ । ଦ୍ୱିତୀୟ ବାକ୍ୟରେ ଥିବା ‘ର୍ବ’ଟି ମଧ୍ୟ ବର୍ଣ୍ଣମାଳାରେ ନାହିଁ । ତେବେ ଏ ଦୁଇଟି କ’ଣ ?
ଏ ଦୁଇଟି ଯୁକ୍ତବର୍ଣ୍ଣ । କାରଣ ‘ନ’ ଏବଂ ‘ମ’ ଦୁଇଟି ବ୍ୟଞ୍ଜନବର୍ଣ୍ଣ ମିଶି ‘ନ୍ମ’ ହୋଇଛି । ‘ର’ ଏବଂ ‘ବ’ ଦୁଇଟି ବ୍ୟଞ୍ଜନବର୍ଣ୍ଣ ମିଶି ‘ର୍ବ’ ହୋଇଛି ।
ଦୁଇ ବା ଦୁଇରୁ ଅଧିକ ବ୍ୟଞ୍ଜନବର୍ଣ୍ଣ ମିଶିଲେ ଯୁକ୍ତବର୍ଣ୍ଣ ହୁଏ । ଯୁକ୍ତବର୍ଣ୍ଣକୁ ଯୁକ୍ତାକ୍ଷର ମଧ୍ୟ କହନ୍ତି ।
ତଳେ କେତେକ ଯୁକ୍ତବର୍ଣ୍ଣ ଏବଂ ସେହି ଯୁକ୍ତବର୍ଣ୍ଣ ଥିବା ଶବ୍ଦ ଦିଆଗଲା ।
| କ + ର = କ୍ର | ଚକ୍ର, ବକ୍ର, ଶୁକ୍ରବାର |
| ର + କ = ର୍କ | ଅର୍କ, କର୍କଶ, କୋଣାର୍କ |
| ନ + ମ = ନ୍ମ | ଜନ୍ମ, ଚିନ୍ମୟ, ଜନ୍ମେଜୟ |
| ଦ + ୟ = ଦ୍ୟ | ଗଦ୍ୟ, ବିଦ୍ୟୁତ, ବିଦ୍ୟାଧର |
| ହ + ଲ = ହ୍ଲ | କୋହ୍ଲ, ପ୍ରହ୍ଲାଦ, ଆହ୍ଲାଦ |
| କ + ଳ = କ୍ଳ | ଶୁକ୍ଳ, ଅକ୍ଳେଶ, ଶୁକ୍ଳେଶ୍ୱର |
| କ + ତ = କ୍ତ | ଭକ୍ତ, ବିରକ୍ତ, ଅବିଭକ୍ତ |
| ତ + କ = ତ୍କ | ଉତ୍କଳ, ସତ୍କାର, ଉତ୍କୃଷ୍ଟ |
| ଷ+କ = ଷ୍କ | ଶୁଷ୍କ, ଦୁଷ୍କର, ପରିଷ୍କାର |
| ଷ+ଣ = ଷ୍ଣ | କୃଷ୍ଣ, ସହିଷ୍ଣୁ, ବୈଷ୍ଣବ |
| ସ+କ = ସ୍କ | ଭାସ୍କର, ପୁରସ୍କାର, ତିରସ୍କାର |
| ତ+ନ = ତ୍ନ | ଯତ୍ନ, ରତ୍ନ , ରତ୍ନାକର |
| ବ+ଜ = ବ୍ଜ | ଅବ୍ଜ, କୁବ୍ଜ, ପଦାବ୍ଜ |
| ଷ+ଟ = ଷ୍ଟ | କଷ୍ଟ, ବିଶିଷ୍ଟ, ଅବଶିଷ୍ଟ |
| ଷ+ଠ = ଷ୍ଠ | କାଷ୍ଠ, ଓଷ୍ଠ, ନିଷ୍ଠାପର |
| ସ+ଥ = ସ୍ଥ | ଅସ୍ଥି, ସ୍ଥାବର, ବାସସ୍ଥାନ |
| ଦ+ମ = ଦ୍ମ | ପଦ୍ମ, ପଦ୍ମନାଭ, ଛଦ୍ମନାମ |
| ଗ+ନ = ଗ୍ମ | ଲଗ୍ନ, ନିମଗ୍ନ, ଅଗ୍ନିଶିଖା |
| ଗ+ଧ = ଗ୍ଧ | ଦୁଗ୍ଧ, ବିମୁଗ୍ଧ, ଦଗ୍ଧୀଭୂତ |
| ସ+ପ = ସ୍ପ | ସ୍ପର୍ଶ, ଇସ୍ପାତ, ପରସ୍ପର |
| ବ+ଦ = ବ୍ଦ | ଶବ୍ଦ, ଶତାବ୍ଦୀ, ସହସ୍ରାବ୍ଦୀ |
| ବ+ଧ = ବ୍ଧ | ଅବ୍ଧି, ସ୍ତବ୍ଧ, ପ୍ରାରବ୍ଧ |
| ଶ+ୱ = ଶ୍ୱ | ଅଶ୍ୱ, ପ୍ରଶ୍ୱାସ, ଅବିଶ୍ୱାସ |
| ଶ+ଚ = ଶ୍ଚ | ନିଶ୍ଚୟ, ପଶ୍ଚିମ, ସୁନିଶ୍ଚିତ |
| ଦ+ଧ = ଦ୍ଧ | ବୁଦ୍ଧ, ଅଶୁଦ୍ଧ, ଶୁଦ୍ଧୋଦନ |
| ଦ+ଭ = ଦ୍ଭ | ଅଦ୍ଭୁତ, ଉଦ୍ଭି, ଉଦ୍ଭାବନ |
| ଦ+ବ = ଦ୍ବ | ଉଦ୍ବେଗ, ଉଦ୍ବେଳନ, ଉଦ୍ବୋଧନ |
| ନ+ନ = ନ୍ନ | ଅନ୍ନ, ଅଭିନ୍ନ, ଜଗନ୍ନାଥ |
| ତ+ତ = ତ୍ତ | ଚିତ୍ତ, ଉତ୍ତର, ମହତ୍ତର |
| ଜ+ଜ = ଜ୍ଜ | ଲଜ୍ଜା, ସଜ୍ଜନ, ସୁସଜ୍ଜିତ |
| ଚ+ଛ = ଚ୍ଛ | ଇଚ୍ଛା, କଚ୍ଛପ, ଆଚ୍ଛାଦନ |
| ଳ+କ = ଳ୍କ | ଶୁଳ୍କ, କଳ୍କୀ, ବଳ୍କଳ |
| ଙ+କ = ଙ୍କ | ଅଙ୍କ, ଶଙ୍କର, ପଙ୍କଜିନୀ |
| ଙ+ଖ = ଙ୍ଖ | ଶଙ୍ଖ, ଶଙ୍ଖାରି, ବିଶୃଙ୍ଖଳା |
| ଙ+ଗ = ଙ୍ଗ | ଅଙ୍ଗ, ସଙ୍ଗୀତ, ରଙ୍ଗମାଟି |
| ଙ+ଘ = ଙ୍ଘ | ଜଙ୍ଘ, ଲଙ୍ଘନ, ସଙ୍ଘମିତ୍ରା |
| ଞ+ଚ = ଞ୍ଚ | ମଞ୍ଚ, ଚଞ୍ଚଳ, ପଞ୍ଚବଟୀ |
| ଞ+ଛ = ଞ୍ଛ | ପିଞ୍ଛା, ଲାଞ୍ଛନା, ବାଞ୍ଛାନିଧି |
| ଞ+ଜ = ଞ୍ଜ | ସଞ୍ଜ, ଅଞ୍ଜନ, ପୁଷ୍ପାଞ୍ଜଳି |
| ଞ+ଝ = ଞ୍ଝ | ପଞ୍ଝା, ପଞ୍ଝାଏ, ବିଞ୍ଝାରପୁର |
| ଣ+ଟ = ଣ୍ଟ | ଅଣ୍ଟା, ବଣ୍ଟନ, ଘଣ୍ଟାକଣ୍ଟା |
| ଣ+ଠ = ଣ୍ଠ | କଣ୍ଠ, ଉକ୍ରଣ୍ଠା, ଅବଗୁଣ୍ଠନ |
| ଣ+ଡ = ଣ୍ଡ | କାଣ୍ଡ, ପଣ୍ଡିତ, ଲଣ୍ଡଭଣ୍ଡ |
| ଣ+ଢ = ଣ୍ଢ | ଷଣ୍ଢ, ମେଣ୍ଢା, କୁଣ୍ଢେମୋଟ |
| ନ+ତ = ନ୍ତ | କାନ୍ତ, ସନ୍ତୋଷ, ହନ୍ତସନ୍ତ |
| ନ+ଥ = ନ୍ଥ | କାନ୍ଥ, ମନ୍ଥନ, ସାଧୁସନ୍ଥ |
| ନ+ଦ = ନ୍ଦ | ନନ୍ଦ, ଆନନ୍ଦ, ମକରନ୍ଦ |
| ନ+ଧ = ନ୍ଧ | ବନ୍ଧୁ, ବନ୍ଧୁକ, କୃପାସିନ୍ଧୁ |
| ମ+ପ = ମ୍ପ | କମ୍ପ, ସମ୍ପଦ, ସମ୍ପାଦନ |
| ମ+ଫ = ମ୍ଫ | ବାମ୍ଫ, ଗୁମ୍ଫନ, ରାଣୀଗୁମ୍ଫା |
| ମ+ବ = ମ୍ବ | ଆମ୍ବ, ସମ୍ବା, ସମ୍ବୋଧନ |
| ମ+ଭ = ମ୍ଭ | ରମ୍ଭା, ଗମ୍ଭୀର, କୁମ୍ଭାଟୁଆ |
| ନ+ତ+ର=ନ୍ତ୍ର | ମନ୍ତ୍ର, ଯନ୍ତ୍ର, ମୁଖ୍ୟମନ୍ତ୍ରୀ |
| ଷ+ଟ+ର=ଷ୍ଟ୍ର | ରାଷ୍ଟ୍ର, ଉଷ୍ଟ୍ର, ମହାରାଷ୍ଟ୍ର |
| ସ+ତ+ର=ସ୍ତ୍ର | ମିସ୍ତ୍ରୀ, ନିରସ୍ତ୍ର, ଧର୍ମଶାସ୍ତ୍ର |
| ର+ଣ+ଣ=ର୍ଣ୍ଣ | କର୍ଣ୍ଣ, ସୁବର୍ଣ୍ଣ, ବର୍ଣ୍ଣବୋଧ |
| ର+ତ+ତ=ର୍ତ୍ତ | କର୍ତ୍ତା, କାର୍ତ୍ତିକ, ବର୍ତ୍ତମାନ |
ରପ୍ତାନି, ପଶ୍ଚିମ, କଣ୍ଢେଇ, ଆମ୍ବିଳା, ଗେହ୍ଲା, ବୁଦ୍ଧିମାନ୍, ଶ୍ୟାମଳ, ସହିଷ୍ଣୁ, ମୁଦ୍ଗର, ଶ୍ଳୋକ, କୁମ୍ଭାଟୁଆ, ଆସ୍ଥା, ଗ୍ରନ୍ଥ, ବିଦ୍ୟା, ତନ୍ମୟ, ସମ୍ମାନ, ଟଙ୍କା, ବଙ୍ଗଳା, ବାମ୍ଫ, ଅଶ୍ୱ, ପ୍ରଶ୍ନ, ଉତ୍ପନ୍ନ, ବସ୍ତ୍ର, ହସ୍ତୀ, ସନ୍ଧାନ ।
କଷ୍ଟ କଲେ କୃଷ୍ଣ ମିଳନ୍ତି ।
ଈଶ୍ୱରଚନ୍ଦ୍ର ବିଦ୍ୟାସାଗର ବହୁତ ଶାସ୍ତ୍ର ପଢ଼ିଥିଲେ ।
ପରିଶ୍ରମ କଲେ ଦେହ ସୁସ୍ଥ ରହେ ।
ପ୍ରଭୁ ପରାତ୍ପର ପରମ ଈଶ୍ୱର
ଆଶ୍ରା ଦିଅ ଶ୍ରୀପୟରେ
ପୂରୁ ତବ ଇଚ୍ଛା ମୋର ଏ ଜୀବନେ
ଜୟ ଜଗଦୀଶ ହରେ ।
